Popular Bible Verses from VAKARUA 6

Share

Mo ni lomani Jiova na nomuni Kalou ena yalomuni taucoko, ena lomamuni taucoko, kei na nomuni kaukauwa taucoko.

Vakavulica oqo vei ira na luvemuni. Tokaruataka tale ni o ni sa tiko ena nomuni vale, se, ni o ni sa tiko tani, ena gauna ni nomuni vakacegu kei na gauna ni nomuni cakacaka.

Mo ni kakua sara ni guilecava na i vunau kece au sa vakaroti kemuni kina edaidai.

Ni rogoca, oi kemuni na Isireli: Ko Jiova na noda Kalou, ko Jiova sa duabau ga.

Ni vesuka e ligamuni ka tokara e yadremuni; oqo me i vakatakilakila se dau veivakananumi vei kemuni.

Mo ni vola ena veiduru ni katuba ni nomuni vale kei na nomuni matamata ni bai.

Mo ni rokovi Jiova na nomuni Kalou ka qaravi koya duadua ga, ka vakayacora na nomuni vosa ni yalayala kecega ena yacana.

“Me vaka a yalataka ko Jiova na nomuni Kalou vei ira na nomuni qase, vei Epara-ama, Aisake kei Jekope ni na solia vei kemuni e dua na vanua e tu na kena veikoro lelevu ka vutuniyau o ni a sega ni tara. Na kena veivale era sinai ena veika vinaka o ni a sega ni biuta kina, ka ra tu na kena veikeliwai o ni a sega ni kelia; na kena veivaini kei na veiolive o ni a sega ni tea. Sa na kauti kemuni ko Jiova ki na vanua o ya, ka sa tu kina na veika kece o ni via kania, ni qarauna sara mo ni kakua ni guilecavi Jiova, o koya ka a vakabulai kemuni mai na vanua o Ijipita, na vanua o ni a vakabobulataki tu kina.

Sai koya na i vunau kece ka vakarota vei au ko Jiova na nomuni Kalou, me'u vakatavulica vei kemuni mo ni muria ena vanua o ni sa vakarau la'ki taukena mo ni tawana, me rawa kina vei kemuni, na luvemuni kei na makubumuni; mo ni rerevaki Jiova na nomuni Kalou, ena veisiga kece ni nomuni bula ka muria na nona lawa kei na nona i vunau kece ka'u sa vakarota vei kemuni me rawa ni dede kina na nomuni bula.

Ni cakava na veika sa dodonu ka vinaka ena mata i Jiova, ka o ni na qai vinaka kina. Ena qai taukeni na vanua vinaka sa yalataka ko Jiova vei ira na nomuni qase

baleta ni ko Jiova na nomuni Kalou ka sa tiko kei kemuni, sa Kalou vuvu. Na nona cudru waqawaqa ena vagolea vei kemuni ka na vaqeyavutaki kemuni mai na dela i vuravura.

Kakua ni muri ira na kalou tani, na nodra kalou na tamata era tu wavoliti kemuni

“Mo ni kakua ni vakatovolei Jiova na nomuni Kalou me vaka o ni a cakava mai Masa.