Popular Bible Verses from VAKARUA 7

Share

O koya oqo mo ni kila ni sa Kalou duadua ga ko Jiova na nomuni Kalou, ka sa yalodina o koya. Sa dau maroroya na nona veiyalayalati ka vakaraitaka na nona loloma tawa yalani vei ira sa lomani koya ka muria na nona i vakaro me yacova na udolu na nodra i tabatamata.

Mo ni cakava na ka oqo baleta ni o ni sa nei Jiova na nomuni Kalou. Sa digitaki kemuni o koya mai vei ira na veimatatamata kecega e vuravura mo ni nona i yau talei.

Ia sa lomani kemuni ko Jiova ka gadreva me maroroya na nona vosa ni yalayala ka vakayacora vei ira na nomuni qase. Sai koya oqo sa vakabulai kemuni kina ena ligana qaqa levu ka sereki kemuni kina mai na nomuni vakabobulataki vua na tui Ijipita.

“A sega ni vu ni nona lomani kemuni ka digitaki kemuni ko Jiova baleta ni o ni sa lewe levu cake mai vei ira na veimatatamata tani tale eso; sai kemuni na matanitu lailai duadua e vuravura.

O ni na vakalougatataki vakalevu cake mai vei ira na veimatanitu kecega. Ena sega ni dua na tagane se yalewa me na sega ni vakaluveni vei kemuni, ka na vaka talega kina na nomuni manumanu.