Popular Bible Verses from Maciu 14

Share

Ia ni sa raica na kaukauwa ni cagi, sa qai rere ka vakatekivu me lutu sobu ki loma ni wai, ka sa qai kacivaka yani, “Kemuni na Turaga, ni vakabulai au!” A dodoka yani vakatotolo na ligana o Jisu ka tauri koya, ka kaya vua, “Tamata lailai na nomu vakabauta! Na cava tale o vakatitiqa kina?”

Ia ni sa raica na kaukauwa ni cagi, sa qai rere ka vakatekivu me lutu sobu ki loma ni wai, ka sa qai kacivaka yani, “Kemuni na Turaga, ni vakabulai au!”

A sa mani vosa yani kina vei iratou o Jisu, ka kaya, “Dou vakacegu! Sa i au ga. Dou kakua ni rere!”

Sa qai vosa vua o Pita ka kaya, “Kemuni na Turaga, kevaka sai kemuni dina oqori, ni vakaroti au me'u lako yani vei kemuni e dela ni wai.” A sa kaya yani o Jisu, “Lako mai!” Sa qai kalawa sobu mai waqa o Pita ka tekivu me lako e dela ni wai kivei Jisu.

E ratou sa qai lako mai na tiko e waqa ka mai cuva vua, ka kaya, “Sa i kemuni dina ga na Luve ni Kalou.”

Ia, sa qai kaya vei iratou o Jisu, “E sega ni yaga me ra lako, dou solia oi kemudou eso na ka me ra kania.” E ratou sa qai kaya vua, “E sega ni tu eke vei keitou e dua na ka, ia e lima walega na i buli madrai kei na rua na ika.”

Sa qai kaya o Jisu, “Dou kauta mai vei au.” Ni sa vakaroti ira oti na lewe vuqa me ra tiko sobu ena veico, a qai taura o koya na i buli madrai e lima kei na ika e rua, ka tacake ki lomalagi, ka vakavinavinaka, ka dovidovia na madrai ka solia vei iratou na nona tisaipeli, ka ratou tauca yani na tisaipeli vei ira na lewe vuqa.

Era sa qai kana kece ka mamau. Eratou sa qai kumuna vata na tisaipeli e tinikarua na basikete sisinai ena i vovo ni kakana.