Popular Bible Verses from Maciu 13

Share

Ia, na kena e kaburaki ena qele vinaka, sai koya sa rogoca na vosa ka kila rawa, ka vua, ka vuaidrau eso, onosagavulu eso ka tolusagavulu eso.”

Na kena e kaburaki ena veiwavakavotona, sai koya e rogoca na vosa, ia, sa qai curu yani na lomaocaoca ni vuravura oqo, kei na veitemaki ni yau ka vakaruguta na vosa, ka sega kina ni vua.

Ni sa dua e sa rogoca na vosa me baleta na matanitu ka sega ni kila rawa, sa dau lako mai na vunica ka kauta laivi na ka sa kaburaki tu e lomana. Sa i koya oqo na ka e kaburaki ena loma ni sala.

Na kena e kaburaki ena vanua veivatu, sai koya e rogoca na vosa ka ciqoma sara ena reki; ka sega ga na wakana e lomana, e mani tu dei vakalailai ga; ia, ni sa qai tubu na rarawa se na veivakacacani ena vuku ni vosa, era tarabe sara.

“Sa tautauvata na matanitu vakalomalagi kei na dua na i yau sa vuni tu ena dua na i teitei. Ni sa kunea e dua na tamata, sa qai la'ki vunitaka tale, ka sa lako yani ena marau levu ka volitaka na veika kecega sa taukena, a sa qai lesu tale ka volia na i teitei o ya.

Era sa mani lutu eso ena qele vinaka, ka mani vua: e vuaidrau eso, e onosagavulu eso, ka tolusagavulu eso.”

Laiva mada ga me rau tubu vata ruarua me yacova na cava ni yabaki. Ni sa cava na yabaki, au na qai kaya vei ira na dautatamusuki, ‘Dou kumuna vata mada e liu na kau ca ka vauvauci ira vata me ra vakamai, ka qai kumuna vata mai na witi ki na noqu lololo.’ ”