Popular Bible Verses from Luke 3

Share

Ni ra sa papitaisotaki na tamata, sa papitaisotaki talega o Jisu. Ia ni sa masu tiko o koya sa qai wase rua na lomalagi, ka sa lako sobu mai vua na Yalo Tabu, me vaka na ruve, ka sa rogo mai e dua na domo mai lomalagi, ka vaka, “Sa i iko na Luvequ lomani e duabau ga. Au sa dau vinakati iko vakalevu.”

Sa qai vosa kina o Joni ka kaya vei ira kecega, “Au sa papitaisotaki kemuni ena wai, ia sa lako tiko mai o koya e levu cake vei keirau, ka sega mada ga ni rauti au me'u sereka na wa ni nona i vava. Ena papitaisotaki kemuni o koya ena Yalo Tabu kei na buka.

Ni vakaraitaka na nomuni veivutuni, ena nomuni cakacaka ka kakua ni tekivu mo ni veikayaka vakai kemuni, ‘Na tama i keimami o Epara-ama.’ Ni'u sa kaya vei kemuni, sa rawa vua na Kalou me vakatubura na luve i Epara-ama mai na veivatu oqo.

Sa toka sara ga oqo na matau ena veivunikau; ka sa tatalaki sobu tiko kina na kau kecega era sega ni vuataka na vua vinaka, ka ra biu ki na bukawaqa.”

me vaka sa volai tu ena i vola i Aisea na parofita, “Na domona e dua sa kacikaci voli ena loma ni vanua lala: Ni caramaka na sala ni Turaga, Cakava me dodonu na nona gaunisala. Ena buluti me cere i cake na buca kecega, Ka na talaraki sobu na veiulunivanua kei na veidelana kecega. Ka na vakadodonutaki na veika veve, Ka na vakalogalogavinakataki na veisala sukusukura; Era na raica talega na veivakabulai ni Kalou na tamata kecega.”