Popular Bible Verses from Luke 2

Share

ni sa sucu vei kemuni edaidai, ena koro i Tevita, na i Vakabula, o koya na Karisito, na Turaga!

Sa qai kaya vei iratou na agilosi, “Dou kakua ni rere, dou rogoca mada, au sa kauta tiko mai vei kemudou e dua na i tukutuku vinaka, ka ra na reki vakalevu kina o ira kecega na tamata

“Sa nona na Kalou na lagilagi ena veiyasana cecere sara, Ka sa veisaututaki rawa e vuravura o ira sa vinakata o koya!”

A sa tubu cake tikoga me levu o Jisu, ka sa toro cake tikoga na nona vuku; a sa vinakati koya vakalevu na Kalou ka vaka talega kina o ira na tamata.

Oqo na kena i vakatakilakila vei kemudou: dou na kunea na gone ni sa viviraki tu vua na i sulu ni gone, ka davo koto ena nodra i kanakana na manumanu.”

E ratou a tiko voli ena vanua veico ena yasayasa o ya eso na i vakatawanisipi, ka ratou veivuke vakatawa sipi tiko ena bogi. Sa qai rairai vei iratou e dua na agilosi ni Turaga, ka cila vakavolivoliti iratou na i serau ni Turaga; ka ratou sa rere vakalevu sara kina.