Popular Bible Verses from San Lucas 18

Share

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

¿Ma tojaꞌ ta chic li Dios incꞌaꞌ tixcoleb li sicꞌbileb ru xban? ¿Ma ta̱ba̱yk ta biꞌ chixsumenquil li cꞌaꞌru teꞌxtzꞌa̱ma li nequeꞌya̱ban re lix cꞌabaꞌ chi kꞌek chi cutan? La̱in tinye e̱re nak li Dios tixcoleb chi junpa̱t. Abanan la̱in nincꞌoxla, ¿jarub ta cuiꞌ li cauhakeb xchꞌo̱l saꞌ lix pa̱ba̱l? Ut, ¿jarubeb ta cuiꞌ li yo̱keb chi tijoc nak tincꞌulu̱nk cuiꞌchic saꞌ ruchichꞌochꞌ la̱in li Cꞌajolbej?

Li Jesús quixye reheb: —Li cꞌaꞌru chꞌaꞌaj xba̱nunquil chiru li cui̱nk, chiru li Dios moco chꞌaꞌaj ta xba̱nunquil, chan.

Ut laj rakol a̱tin incꞌaꞌ quiraj. Abanan mokon quixye saꞌ xchꞌo̱l: “La̱in incꞌaꞌ ninxucua ru li Dios chi moco eb li cui̱nk ninqꞌueheb saꞌ xnakꞌ cuu. Abanan xban nak yo̱quin chi titzꞌc chirabinquil li ixk aꞌin, tinrak a̱tin saꞌ xbe̱neb li xicꞌ nequeꞌiloc re. Ma̱re yo̱k chinchꞌiꞌchꞌiꞌinquil junelic,” chan saꞌ xchꞌo̱l.

Relic chi ya̱l tinye e̱re li ani incꞌaꞌ kꞌun xchꞌo̱l chinpa̱banquil joꞌqueb li cocꞌal aꞌin, aꞌan incꞌaꞌ ta̱oc rubel lix nimajcual cuanquilal li Dios, chan.

Ut li Jesús quixbokeb lix tzolom riqꞌuin ut quixye reheb: —Canabomakeb li cocꞌal chi cha̱lc cuiqꞌuin. Me̱ram chiruheb xban nak reheb aꞌan lix nimajcual cuanquilal li Dios.

Li Jesús quixye re: —Chi-ilok li xnakꞌ a̱cuu. Xatqꞌuira xban nak xapa̱b nak cuan incuanquil cha̱qꞌuirtesinquil, chan.

Li Jesús quixye re: —¿Cꞌaꞌut nak nacaye cha̱bil cue cui incꞌaꞌ nacanau anihin la̱in? Jun ajcuiꞌ li cha̱bil ut aꞌan li Dios.