Popular Bible Verses from San Lucas 17

Share

Tojoꞌnak quixye re li cui̱nk: —Xaklin ut tatxic. Xatqꞌuira xban nak xatpa̱ban, chan.

Usta ta̱ma̱cobk cha̱cuu cuukubak sut chiru li jun cutan ut cuukub sut tixpatzꞌ xcuybal cha̱cuu ut tixye nak incꞌaꞌ chic tixba̱nu, tento nak ta̱cuy xma̱c, chan li Jesús.

Jun reheb li cui̱nk quiril nak quiqꞌuira, quisukꞌi riqꞌuin li Jesús ut yo̱ chixlokꞌoninquil li Dios chi cau xya̱b xcux. Quixcuikꞌib rib chiru li Jesús ut quixbantioxi chiru. Li cui̱nk aꞌan aj Samaria.

Cheqꞌuehak retal chanru le̱ naꞌleb. Cui ta̱ma̱cobk cha̱cuu la̱ cuas a̱cui̱tzꞌin, chakꞌusak. Ut cui ta̱yotꞌekꞌ xchꞌo̱l ut tixjal xcꞌaꞌux, chacuyak xma̱c.

Quixye li Jesús: —¿Ma ma̱cuaꞌ ta biꞌ laje̱b chi cui̱nk li xinqꞌuirtesi? ¿Bar cuanqueb li bele̱b chic?

Ut li Ka̱cuaꞌ quixye reheb: —Usta caꞌchꞌin ajcuiꞌ le̱ pa̱ba̱l cuan joꞌ li riyajil li mostaza, ta̱ru̱k raj te̱ye re li cheꞌ aꞌin, “Michꞌ a̱cuib ut au a̱cuib saꞌ li palau” ut li cheꞌ tixba̱nu raj joꞌ te̱ye re, chan.

Li ani ta̱raj xcolbal rix lix yuꞌam arin saꞌ ruchichꞌochꞌ, ta̱sachk chiru. Ut li ani ta̱sachk lix yuꞌam chiru, aꞌan ta̱cua̱nk xyuꞌam chi junelic.

Li Jesús quixye reheb lix tzolom: —Junelic cuan li poꞌoc chꞌo̱l. Abanan raylal cha̱lel saꞌ xbe̱n li ani tixpoꞌ xchꞌo̱l li ras ri̱tzꞌin. Kꞌaxal raj us chokꞌ re aꞌan nak ta̱cutekꞌ saꞌ xchamal li palau chi bacꞌbo junak nimla pec chi xcux chiru nak tixpoꞌ xchꞌo̱l junak li toj kꞌun xchꞌo̱l saꞌ lix pa̱ba̱l.

Joꞌ quicꞌulman saꞌ eb li cutan nak toj cua̱nk laj Noé saꞌ ruchichꞌochꞌ, joꞌcan ajcuiꞌ ta̱cꞌulma̱nk nak ta̱cuulak xkꞌehil lin cꞌulunic la̱in li Cꞌajolbej. Saꞌ eb li cutan aꞌan li tenamit yo̱queb chi cuaꞌac ut yo̱queb chi ucꞌac. Yo̱queb chi sumla̱c ut yo̱queb chi sumuba̱nc toj quicuulac xkꞌehil nak laj Noé qui-oc saꞌ li jucub cab. Nak ma̱cꞌaꞌ saꞌ xchꞌo̱leb quichal li butꞌi haꞌ ut quilajxsacheb chixjunileb li incꞌaꞌ queꞌoc saꞌ li jucub cab.