Popular Bible Verses from Hebreos 10

Share

Manche cu bꞌejcan cu yambꞌan cu bꞌa, jaxca sbꞌeybꞌal wanojxa ebꞌ. Sowalil chi kiptzelewej cu bꞌa. Kakꞌwej kip, yutol lalan kilon wan txꞌoxbꞌanile chi xꞌoxa sbꞌa tol jayebꞌxane cꞌual catuꞌ oj jul Naj Kaawil.

Cu sey tzet chi kute kiptzelen cu bꞌa, yet watxꞌ chi chꞌibꞌ cu camcꞌulal, catuꞌ chi waꞌxi oc cu bꞌeybꞌal.

Tecꞌan chi kute kaon oc jun cu cuybꞌanil tiꞌ yipoj cu cꞌul. Cꞌam ojabꞌ cu caabꞌcꞌulal, yutol jaꞌ Dios, oj yun cꞌaltaꞌ tzet jix yal can ey jon.

Sowalil miman che yute je cꞌul, yet watxꞌ oj skeꞌ je yunen masanil tzet chi ẍaꞌ scꞌul Dios. Catuꞌ oj je chaꞌon tzet yalnaj can ey jex tuꞌ.

Yuxan cu jitzwej toj cu bꞌa scꞌatan Dios tuꞌ yin masanil cu cꞌul. Kawej oc yin cu cꞌul sicꞌlebꞌil. Yutol sajbꞌanebꞌilxa cu pixan yu, yet watxꞌ cꞌamxa tzet man watxꞌoj eyoc yin cu naꞌbꞌal. Catuꞌ sajbꞌanebꞌilxa cu mimanil yetoj jun jaꞌ jaꞌ caw saj.

Yu jun tuꞌ, yuxan tecꞌan cꞌal che yute je bꞌa, yutol oj je chaꞌ mimej spaj.

Jaꞌ tinaniꞌ, kotajxa jun cuybꞌanile caw yel. Yuxan ta jacꞌalaꞌ chi el kunen tzetyetal tol kotaj tol man watxꞌoj, cꞌamxa junojxa xaambꞌal chi skeꞌ scam yu cu penail tuꞌ. Ta jaxca tuꞌ, asanxane jun syaꞌilal ey smey chi kechbꞌane, chi yal tuꞌ, cꞌal kꞌakꞌ kꞌakꞌ chi nilxi xaj. Smoo chi cu xiw tet. Jaꞌ jun kꞌakꞌ kꞌakꞌ tuꞌ oj akꞌon lawoj el ebꞌ cajat oc yin Dios.