Popular Bible Verses from Hebreos 9

Share

Jacꞌalaꞌ pax Naj Cristo, junel chꞌan akꞌbꞌil cam Naj yin xaambꞌalil, yet watxꞌ ecꞌal jon chi iꞌle el cu penail yu Naj. Jaꞌ yet oj jul yet scaelal, manxa yu oj yiꞌon el cu penail, yuxan oj juloj, tol yu scolon el mac lalan yechbꞌanen sjul Naj junelxa.

Ta jaxca tuꞌ yopiso ẍiqꞌuil noꞌ noꞌ tuꞌ, jajxam wal ẍiqꞌuil Naj Cristo. Yu Naj Espíritu tol ey cꞌal yin tobꞌalkꞌinal, jix yakꞌ sbꞌa Cristo yin xaambꞌalil tet Dios, jaxca junoj xaambꞌal tzꞌajan yei. Yuxan chi sajbꞌanele el cu naꞌbꞌal yu ẍiqꞌuil Naj yin tzetyetal cꞌam swatxꞌil cꞌal wanoj costumbre cꞌam tzet chi oqui. Yuxan jaꞌ tinaniꞌ, chi skeꞌ kakꞌon servil cu Diosal iquis.

Junjun ánima sowalil junel chi cami. Chi lawi jun tuꞌ xin, catuꞌ chi naꞌle oc yin ebꞌ.

Ian chi skeꞌ kaloni, tol jatacꞌalaꞌ yalon sleyal, tol sowalil chi sajbꞌanele masanil tzettaj yetal yetoj chicꞌ, catuꞌ cꞌam pax junoj mac chi skeꞌ yelcan spenail ta cꞌam chicꞌ chi maltoj yu spenail.

Yuxan, jaꞌ Naj Jesucristo yalomal jun acꞌ wa kꞌane tiꞌ, jun chi yij testamento ma jun yuunal. Jaꞌ Naj jix waꞌnen canoj, yuxan awtebꞌil jon yu Dios yu koc can yetoj. Yuxan chi skeꞌ cu chaꞌon tzetyetal jix yalaꞌ, tol oj yakꞌ ey jon, jaꞌton cu kꞌinal ey cꞌal yin tobꞌalkꞌinal. Jaꞌ yet jix cam Naj tuꞌ, jix akꞌle lawoj spenail ebꞌ eyoc yalan jun bꞌabꞌel wa kꞌane tuꞌ yu Naj.