Popular Bible Verses from Éxodo 3

Share

Catuꞌ jix takꞌwi Dios tet: —“JAIN TON EY JIN CꞌALTAꞌ ECꞌOJ.” Jaxca tuꞌ chi yun ja walon tet ebꞌ ja wet conobꞌ tuꞌ; jaꞌton jun mac EY CꞌALTAꞌ ECꞌOJ, jaꞌ chach chejoni, ẍi Dios.

Catuꞌ jix takꞌwi Dios tet naj: —Oj jin colwa ja wetoj, ey jin oc ja wetoj. Oj wakꞌ jun txꞌoxbꞌanil ey jaach yet xax eltej ebꞌ jin conobꞌ bꞌey Egipto, queytuꞌ oj yun ja wotajne eloj tol jain chach jin chejtoj: Jaꞌ yet tuꞌ, oj jul je yiꞌey je bꞌa ey jin bꞌey jun wonan tiꞌ.

Jix yalon Dios tet jaxca tiꞌ: —Manche ja jitztej ja bꞌa titiꞌ. Iꞌeltej ja xanabꞌ yutol jain ey jin ecꞌ bꞌey jun txꞌotxꞌ tiꞌ. Tol lalan jin txꞌoxon jin bꞌa ey jaach.

Catuꞌ jix oc cꞌal ian yalon Dios tet jaxca tiꞌ: —Caw chi wil an tol okꞌbꞌal cꞌul ebꞌ jin conobꞌ bꞌey Egipto. Caw chi wabꞌ yokꞌ ebꞌ yu tzet chi utele ebꞌ yu ebꞌ eyoc yilomaloj ebꞌ. Wotaj caw okꞌbꞌal cꞌul chi yun ebꞌ jin conobꞌ tuꞌ. Yuxan jix jin eyol yu jin colon ebꞌ yul skꞌabꞌ ebꞌ a Egipto. Oj wiꞌeltej ebꞌ bꞌey jun txꞌotxꞌ tuꞌ, catuꞌ oj wiꞌontoj ebꞌ bꞌey jun txꞌotxꞌ caw wal watxꞌ, tol lean, ey tzetyetal watxꞌ sloꞌlei. Jaꞌton txꞌotxꞌ bꞌey caan ebꞌ conobꞌ cꞌam chin ocheni: Ebꞌ Cananeo, ebꞌ Heteo, ebꞌ Amorreo, ebꞌ Ferezeo, ebꞌ Heveo, cꞌal ebꞌ Jebuseo.

Jaꞌ tituꞌ jix xꞌox sbꞌa naj yángel Jehová xol jun teꞌ qꞌuix, chi chaw xaj kꞌakꞌ yin. Eyoc skꞌakꞌal, cam pax chi tzꞌaꞌeyoj.

Yu tuꞌ xin, asiꞌ tinaniꞌ, jaach chach watoj sattaj naj sreyal Egipto tuꞌ, yet chach too kꞌanabꞌ yetoj, cꞌal yu ja wiꞌon eltej ebꞌ jin conobꞌ bꞌey Egipto tuꞌ, ẍi Jehová.