Popular Bible Verses from Éxodo 2

Share

Catuꞌ jix yabꞌen Dios yokꞌilal ebꞌ, jix snaꞌontej swa kꞌane jix yakꞌ can yetoj naj Abraham, yetoj naj Isaac, cꞌal yetoj naj Jacob, catuꞌ jix yilon Dios syaꞌtajilal eyoc yibꞌan ebꞌ Israel, yuxan jix okꞌ scꞌul yin ebꞌ.

Peyxa tax tuꞌ, jix cam naj sreyal Egipto. Jaxa jix yunen cꞌal xin, jaꞌ ebꞌ Israel ey cꞌal oc ebꞌ yaloni tol eyoc ebꞌ yin syaꞌtajilal yin yakꞌomal servil bꞌey Egipto. Jix yabꞌ Dios scuscꞌulal ebꞌ cꞌal syaꞌtajilal eyoc yibꞌan ebꞌ.

Jaxa yet jix chꞌibꞌa naj unin tuꞌ, jix bꞌet akꞌle can naj unin tuꞌ yu ix tet ix scutzꞌin naj rey tuꞌ, jaxca wal yuneꞌ ix jix yun ocoj, Moisés jix akꞌle yij sbꞌi naj yu ix, chi yal yeloc apnoj; jain jix wiꞌatej yul jaꞌ jaꞌ.

—Iꞌtoj jun yaliẍ unin tiꞌ bꞌey ja na, catuꞌ cha wilon chꞌibꞌoj, catuꞌ oj wakꞌon ja tool yu ja wilon chꞌibꞌoj, ẍi ix scutzꞌin naj rey tuꞌ, jix yiꞌontoj ix txutxe tuꞌ jun unin tuꞌ, jix yilon chꞌibꞌoj.

Jaxa jix yun xin, jix apni ix scutzꞌin naj sreyal Egipto tuꞌ aẍnoj bꞌey stiꞌ jaꞌ tuꞌ. Jaꞌ yet lalan yecꞌ ebꞌ ix paẍal bꞌey stiꞌlaj jaꞌ jaꞌ tuꞌ, catuꞌ jix yilontoj ix xol wan teꞌ jaxca yili teꞌ aa, tol ey jun xuc eey tituꞌ, catuꞌ jix ẍejontoj jun yakꞌomal servil ix yet chi too yiꞌontej jun xuc tuꞌ.

Jaꞌ yet jix bꞌey cꞌaltoj tiempo xin, jaꞌ naj Moisés jix oc naj yin icham animail, catuꞌ jix too naj bꞌey caan ebꞌ yuẍtaj bꞌey chi mulna ebꞌ, jaꞌton bꞌey eyoc ebꞌ yin yakꞌomaloj servil. Catuꞌ jix yilon naj tol ey jun yet conobꞌ lalan smakꞌle yu jun naj a Egipto. Catuꞌ jix ecꞌ tꞌananoj tol cꞌam mac tꞌanantej yin, catuꞌ jix makꞌle cam naj a Egipto tuꞌ yu naj, jix smujon can eytoj xol chꞌen arena.