Popular Bible Verses from Mark 9

Share

“A,” yúlhni, “Soo ꞌúlcho ꞌi be be ꞌalha ꞌuhoontꞌoh ꞌintꞌi de, mbene la ooba ꞌalha ꞌuhoontꞌoh utꞌíne tsꞌiyantsuk neꞌhutitꞌen-un buba huwa lhótilhnaꞌ.”

ꞋAhoh oobá oonatsultooꞌ hoonli whe ꞌutni, “SMoodihti be ꞌalha ꞌuhoontꞌoh ꞌustꞌi. ꞋEt hoontsꞌi sla ꞌineh, ꞌon nus ꞌultus-i be ꞌalha ꞌuhoontꞌoh-i oostꞌeꞌ ha, ꞌet hukwaꞌ nuszun.”

ꞋEt hukwꞌelhꞌaz Jesus yoh danínya whe yugha hodulꞌehne whuꞌiz huyoodulhkut, “ꞋEt dáhoontꞌoh huwa wheni ntsiꞌ-i nudúdeh-i ꞌaw ootsꞌu ha nátsꞌinooyoot ꞌaitꞌoh?” ꞋEt Jesus ubúlhni, “Mbene la tenadudline, ꞌinkꞌez soo hóonihne, ꞌenne za ntsiꞌ-i nudúdeh-i ndi kꞌunꞌa ꞌuntꞌoh-i nahuyuntuyukw.”

Lisel unzoo whe ꞌuntꞌoh, ꞌet hoontsꞌi lisel oonalhuwhúlhni ꞌulhih te, ntsꞌenꞌa doo cha lisel oonawhúlnih uztílhtselh? Whuz unꞌa nohdzi ootsiꞌ junih ꞌinkꞌez nohbulh dune tsꞌun nohdzi dóghel.”

“Mbe la si sgha ndun tsꞌoodun danílhti de, si dasúnilhti wheꞌ hoontꞌoh, ꞌinkꞌez mbe dasúnilhti-un, si iloh dasútalhtelh. Sutílhꞌaꞌ-un, dahinilhti wheꞌ hoontꞌoh.”

Nohni Christ oochꞌeꞌne ꞌahli huwa dune too nohgha nílhdzo de, ꞌen Yakꞌusda ooba ꞌukꞌelha yutaleh-i ꞌaw nintayoꞌalh ꞌaitꞌoh.

ꞋEt ꞌilhoghun tsꞌoodun ooba ꞌalhaꞌ ꞌustꞌoh-un ꞌinkꞌez dune lubeshi be schꞌa yulhti de, ndun dune tsꞌoodun tankꞌus unꞌa wheyúntilhtun ꞌet whutso huyúlh tatse oolhꞌis ꞌon nus sooꞌ hoontꞌoh.

ꞋInkꞌez nyuna ꞌi gha lubeshi ꞌinla de, ha nínꞌaih! Nyuna kꞌuz za ꞌintꞌi whe Yakꞌusda ookꞌúneꞌ whutꞌen-un whénya de, ꞌukꞌenus mba hootázooꞌ. Lhchꞌaz nyuna bulh kwuncho yo tsꞌe whényuhano de, ꞌukꞌenus mba hootátsiꞌ, whuz kwun nalhnusnoh whe ꞌuntꞌoh.