Popular Bible Verses from Mark 10

Share

Yinka Dune Yeꞌ, ꞌen hoontsꞌi ꞌaw ooba néꞌwhutitꞌen huba whusálhiyal. ꞋEt hoontsꞌi dune ba néꞌtitꞌen ꞌinkꞌez buba datítsah ꞌet whe tsꞌiyawh nabootakulh.”

ꞋEt Jesus ꞌubunilhꞌen ꞌinkꞌez ubúlhni, “ꞋEt dune ba ꞌuhóneh ꞌaítꞌoh, ꞌet hoontsꞌi Yakꞌusda ba tsꞌiyantsuk huwa lhúhoonlnaꞌ wheꞌ hoontꞌoh.”

“Naindalh, si stsꞌun be ꞌalha ꞌuhoontꞌoh-i be soo náꞌinja,” yúlhni. ꞋEt ꞌahoh dune hooꞌen nasdliꞌ ꞌinkꞌez Jesus ti yuntizya.

ꞋEt huwa mbe la Yakꞌusda lhghá buninlane, dune lhchꞌa nabohólelh junih.”

ꞋEt Jesus yukꞌensiꞌ whe yunalhꞌen ꞌinkꞌez uyúlhni, “ꞋIlhoghun za whuyit ꞌintꞌoh, naindalh ꞌinkꞌez ꞌintꞌi-i tsꞌiyawh be ꞌóonket ꞌinkꞌez sooniya telꞌenne gha níndzaih, tulalhgus ilhchoot ꞌinkꞌez ꞌanih, seꞌ ꞌutꞌen kꞌoh tuneꞌ óntꞌen ha sunanyalh. ꞋEt de yakꞌuz hoonzoo-un, ꞌet whuchꞌa ootálhdoh.”

Jesus yoodulhkut, “Ndet mbaꞌ whutisdlelh stsꞌu hukwaꞌ ninzun?” “Nehodulhꞌeh-un doo cha hoosꞌen naoosdleh,” yúlhni.

ꞋEt hoontsꞌi ꞌaw whuz unꞌa iloh nohni ꞌahtꞌoh. ꞋIlhoghun nohtoh dune uncha-un tileh hukwaꞌ ninzun de, nohba neꞌútꞌen-un cha ooleꞌ whubaꞌ hoontꞌoh.

Soo tsꞌihꞌun ꞌalhaꞌ nohdúsni, Yakꞌusda whulerwe unli tsꞌe, Yakꞌusda bulerwe unli-un ꞌaw tsꞌoodunneyaz kꞌunꞌa lhuhuhóolhchulh de, ꞌaw whuz dahóoyaꞌ ꞌaitꞌoh.”

ꞋEt hoontsꞌi lhane ꞌudechoo ꞌuntꞌohne ꞌudekꞌez hutileh, ꞌinkꞌez ꞌudekꞌez unline, ꞌenne ꞌudechoo hutileh.”

ꞋEt hoontsꞌi ꞌudechoo Yakꞌusda tsꞌiyaitsuk ꞌinla whe dune ꞌinkꞌez tsꞌeke cha ꞌubinla. ꞋEt huwa dune dubá ꞌinkꞌez duloo bulh buchꞌa óoyaꞌ, ꞌinkꞌez duꞌat zih oodaꞌ. ꞋEt nuhultꞌoh ꞌilho hutileh, ꞌon ꞌun whe nane lhuhíloh, ꞌilho huzliꞌ.