Popular Bible Verses from Eperu 12

Share

O lenei, o i tatou fo‘i, o lo‘o ‘ua vagavagaia e le fa‘apotopotoga o ē matamata mai o fa‘apea ‘ona to‘atele, ‘ina tatou tu‘u ‘ese ia o mea mamafa uma, ‘atoa ma le agasala e fa‘alavelavegofie ai i tatou, ‘ia tatou taufetuli ma le ‘onosa‘i i le ala tanu o i o tatou luma. Ma ‘ia va‘ava‘ai atu ‘iā Iesu o lē na te ta‘ita‘iina ma lē na te fa‘a‘ato‘atoaina le fa‘atuatua; o lē na ‘onosa‘i i le satauro, na fa‘atauva‘a ‘iā te ia le mā, ‘ona o le ‘oli‘oli sa tu‘u i ona luma, ‘ua nofo fo‘i o ia i le itū taumatau o le nofoāli‘i o le Atua.

O a‘oa‘iga uma fo‘i a o i ai, e lē manatu i ai o se mea e ‘oli‘oli ai, a o le mea e fa‘anoanoa ai; ‘ae mulimuli ane e fua mai ai le fua o le amiotonu ē manuia ai ē ‘ua a‘oa‘oina ai.

‘Ia ‘outou tausisi i le filemū ma tagata uma lava, i le ma le amio lelei a aunoa ma lea, e leai se tasi na te iloa atu le Ali‘i.

Auā, ‘ia ‘outou mafaufau i lē na ‘onosa‘i i le fa‘atu‘i ‘ese fa‘apenā ‘iā te ia o ē agasala, ne‘i fa‘avaivai o ‘outou loto ma ‘outou lē lavātia.

O lenei, ‘ua maua e i tatou le mālō e lē mafai ‘ona lūlūina, ‘ia tatou fa‘afetai ai, tatou te ‘au‘auna ai i le Atua ma le migao, ma le mata‘u ‘ia fiafia mai ai o ia.

‘Āfai e talia e ‘outou le a‘oa‘iga, o lo‘o tausi mai le Atua ‘iā te ‘outou pei ‘ona tausi i atali‘i; auā o ai se atali‘i ‘ua lē a‘oa‘iina e lona tamā?

Auā fo‘i o lo tatou Atua o le afi ma‘ama‘ai ia.

Auā o i latou na latou a‘oa‘i mai ‘iā i tatou i nai aso itiiti i lo latou faitalia; peita‘i ane o ia, ‘ua a‘oa‘i mai o ia e aogā ‘iā i tatou, ‘ina ‘ia tofusia i tatou i lana amio lelei.

‘Ua o‘o i nei ona po ‘ua ‘outou lē tete‘e atu e o‘o i le fa‘asasa‘aina o ‘outou toto i lo ‘outou tete‘e atu i le agasala.