Popular Bible Verses from Eperu 13

Share

‘Ia aunoa a ‘outou amio ma le matape‘ape‘a; ‘ia gata ‘iā o ‘outou mana‘o i mea ‘ua ‘iā te ‘outou; auā ‘ua fetalai mai o ia, “‘Ou te lē tu‘ua lava oe, ‘ou te lē tu‘ulafoa‘i lava ‘iā te oe.”

O Iesu Keriso e lē liu lava ia, o ananafi, ma le asō, e o‘o fo‘i i le fa‘avavau.

O le mea lea tatou te mafai ai ‘ona fai atu ma le fa‘amalosi, “O le Ali‘i o lo‘u fesoasoani ia, ‘ou te lē fefe lava, i se mea e faia e tagata ‘iā te a‘u.”

‘Aua le galo ‘iā te ‘outou ‘ona agalelei ma alolofa atu; auā o taulaga fa‘apenā e fiafia ai le Atua.

O lenei, o ‘iā tatou te avatu so‘o ai le taulaga o le vi‘iga i le Atua, o le fua lea o tatou laugutu, o lo‘o fa‘afetai atu i lona suafa.

‘Ia fa‘amamaluina le fa‘aipoipoga e tagata uma, o le moega fo‘i o le ulugali‘i ‘ia leai sona leaga, auā e fa‘amasinoina e le Atua o ē faita‘aga ma ē mulilulua.

‘Aua le galo le alofa i tagata ‘ese; auā o lea ‘ua talia ai e isi o agelu ma le lē iloa.

A o le Atua e ona le manuia, o lē na toe fa‘atūina mai nai ē ‘ua oti le Leoleo mamoe sili, o lo tatou Ali‘i o Iesu, ‘ona o le toto o le feagaiga fa‘avavau. ‘Ia fa‘a‘ato‘atoaina ‘outou e ia i galuega lelei uma lava, ‘ina ‘ia ‘outou faia lona finagalo, ‘ia galue o ia i totonu ‘iā te ‘outou le mea e mālie i ona luma, ‘ona o Iesu Keriso; ‘ia ‘iā te ia le vi‘iga e fa‘avavau fa‘avavau lava. Amene.