Popular Bible Verses from 1 Jṉ. 4

Share

Nekas anenaiyamunam sápij atsawai. Antsu nekas anenaiyamunam sápij meṉkaawai. Aya asutiátin akui sapijmiaktinaiti. Tuma asamtai ántar sapijmiana nu nekas aneṉkratchaiti.

Uchiru, átumka Yusna asarum Yus atumí enentái̱n pujawai. Tura ju̱ nuṉkanmaya̱ shuara enentái̱n íwianch pujawai. Atumíin pujana nuka niji̱a̱i̱ naṉkaamas kakaram asamtai wáitrin ainia nu nupetkaitrume.

Yus emka iin anenma asakrin iisha Ni aneaji.

Aneamu yatsuru, anenaitin Yusai̱ya̱ asamtai mái̱ anenai ajartai. Shuar aneṉkratniua nuka Yusa uchirí̱ asa Yúsnancha nékawai.

Shuar aneṉkratcha nuka Yúsnanka nékatsui. Kame Yuska tuke aneṉkratniuiti.

Ju̱ja̱i̱ nekas aneṉkrattaiṉkia paant nekanamniaiti, ii Yus aneaj núchaiti. Antsu ii ti tunáa árini̱ṉ Ni aneachmaitiataṉ Yuska ti anenma asa ni Uchirí̱n ii tunaari̱n asakárat tusa akuptúrmakmiaj nuja̱i̱ nekas nekanamniaiti.

Aneamu yatsuru, Yus núnis anenma asakrin iisha núnisrik mái̱ anenai ajartai.

Tuma asa ni Uchirí̱ chikichkiniak ju̱ nuṉkanam akuptúrmakmiaji. Iisha ni túrunamuja̱i̱ nekas iwiaaku pujaji. Nuja̱i̱ Yus iin yáintmak ni aneṉkrattain paant iniakturmasmiaji.

Tura shuar “wi Yusan aneajai” táyat chíkich Yus shuaran nakitiakka nuka wáitriniaiti. Kame Yus shuaran tuke wainnia nuna aneachkuṉka ¿itiurak Yusan wáinchasha aneat?

“Jesus Yusa Uchirí̱nti” tana nu shuarja̱i̱ Yus tsaniṉ wekaawai tura nisha Yusja̱i̱ tsaniṉ wekaawai. Mai̱ chikichik ajasu áiniawai.

Yus iincha ju̱na turammiaji, Yusan anea nu shuar chíkich Yus shuarnasha aneatniuiti.

Aneamu yatsuru, untsurí shuar wáitruiniak “wi Yúsnan etserniuitjiai” tuíniawai. Tuma asamtai ashí shuar “wi Yusa Wakaní̱n takakun chichaajai” tuinia nu péṉker nekaptsuk enentáimtusairap. Antsu íisrum nekas Yusa Wakanímpiashit tura chíkich wakaniashit nu nekaatarum. Ju̱ja̱i̱ nekapsarum ya nekas Yusa Wakaní̱n takaka nu nekaattarme, shuar “Jesus Yusa Uchirí̱ Krístuitiat nekas aents ajas aya̱shimkiamiayi” tana nu Yusa Wakaní̱n nekas takakui.

Tura Jesusan tu enentáimtatsna nuka Yusa Wakaní̱n takaktsui antsu Kristu nemasrí̱ wakaní̱n takakui. Kame Kristu nemasri̱ wakan tátin tama ántichukaitrum. Nu wakan yamaikia ju̱ nuṉkanam táwiti.