Popular Bible Verses from 1 Jṉ. 3

Share

Uchiru, aya chíchamja̱i̱ṉ anenain áchatniuitji antsu nekas aneniakur péṉker túrar yáiniaiktiniaitji.

Jesukrístu iin jarutramka asakrin nuja̱i̱ nekas iin anenmaj nu nékaji. Iisha núnisrik Yus shuar ainia nu ti aneakur ni yaiṉtai tusar jarukmin átiniaitji.

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

Antsu shuar yajauchiniam wekaana nu iwianchnaiti íwianch tuke yajauchin túrin asamtai. Yusa Uchirí̱ ju̱ nuṉkanam táwiti ashí íwianch túramun emesrataj tusa.

Shuar nekas Yusja̱i̱ akiinia nu yajauchin túrataj tusa wekaatsui. Yusa uchirí̱ asa Yusa iwiaakmari̱ji̱a̱i̱ wekaawai. Tuma asa tunaanum tuke wekaatsui.

Túrasha shuar chíkich Yus shuar atsumana nuna takakiat waitnentachkuṉka nekas ni enentái̱ji̱a̱i̱ Yusan aneawash.

Shuar ni chichame̱n umía nuka Yusja̱i̱ tsaniṉ wekaawai tura Yus niji̱a̱i̱ tsaniṉ wekaawai. Mai̱ chikichik ajasu áiniawai. Tura Yusa Wakaní̱ ii enentái̱n pujá asamtai nuja̱i̱ Yus iiji̱a̱i̱ tsaniṉ wekaana nu nékaji.

Shuar péṉker túratsna nuka tura Yus shuaran kajera nuka Yus shuarchaiti. Nuja̱i̱ Yusa uchirí̱ ainia nusha tura iwianchi uchirí̱ ainia nusha paant nekaamniaiti.

Atumsha yámankamtaikniumia̱ chicham antukmiarum nu ju̱i̱ti, mái̱ anenai ajartin.

Yatsurtiram, ju̱ nuṉkanmaya̱ shuar nakitramainiakui ti enentáimsairap.