Popular Bible Verses from Matayo 7

Share

“Wulegi, ci gibimiyo botwu; wuyeny, ci wubinoŋo; wudwoŋ doggola ci gibiyabo botwu.

Pien dano ma lego gimiye, ki ŋat ma yenyo bene noŋo, ki ŋat ma dwoŋo doggola bene gibiyabo doggola bote.

“Dano acel acel ma winyo lokka ce tiyo, bibedo calo dano maryek, ma ogero ode i kom pata got.

Kit gin ducu ma wumito ni dano gutim botwu, wun bene wutim botgi kit meno; pien man aye tyen lok me cik pa Moses ki me pwony pa lunebi.

Pien doggola ma tero dano i kwo diŋ, ki yone bene rac, dok jo ma noŋo yo meno ginok.

“Wudony ki i doggola madiŋ, pien doggola ma tero dano i to lac, dok yone gipiro maber, dok jo ma donyo ki iye pol.

Doŋ ka ce wun jo maraco wuŋeyo miyo mot mabeco bot litinowu, ci Wonwu ma tye i polo pe bimiyo jami mabeco makato ducu bot jo ma lege!

“Pe wuŋol kop i kom jo mukene, wek wun bene pe giŋol kop i komwu. Pien kop ma wuŋolo-ni bene gibiŋolo i komwu, dok gin ma wupimo kwede jami, en aye doki gibipimo kwede jami botwu.

Ento dano acel acel ma winyo lokka ce pe tiyo bibedo calo dano ma lamiŋ ma ogero ode i kom kweyo.

Piŋo ineno cuŋ kal ma tye i waŋ omeru, ento dul yat ma tye i waŋi in kikomi pe ineno? Nyo itwero waco bot omeru niŋniŋ ni, ‘Wek akwany cuŋ kal ma tye i waŋi-ni woko’ kun in bene dul yat tye i waŋi?

“Wugwokke i kom lunebi ma lugoba, ma gibino botwu ma gurukke woko calo romi, ento ki i cwinygi noŋo gitye calo orudi muwor. Wubiŋeyogi i kom kitgi. Gitwero pwono olok ki i kom yat okuto, nyo nyig oduro ki i kom yat tworo?

Kit meno, yat maber nyako nyige mabeco, ento yat marac nyako nyige maraco.

Yat maber pe twero nyako nyige maraco, ki yat marac bene pe twero nyako nyige mabeco.

Kit yat ducu ma pe nyako nyige mabeco gitoŋo ci gibolo woko i mac.