Popular Bible Verses from Santiago 2

Share

Chaynataqmi pipapas iñiyninqa, sichum ruwaynin mana kaptinqa, wañusqam kachkan.

Cuerponchikpas mana espirituwanqa wañusqam kachkan, chaynam iñiyninchikpas wañusqa kachkan allin kaqkunata mana ruwaptinchikqa.

Wawqe-panillaykuna, pipas iñiyniyuqmi kani nichkaspan, ichaqa manataq allin kaqkunataqa ruwanmanchu hinaptinqa ¿imapaqtaq chay iñiyninqa valenman? ¿Yaqachum chay iñisqallan salvarunman?

Qanmi creenki chullalla Dios kasqanta, allinmi chayqa. Aswanqa demoniokunapas creenmi hinaspam manchakuymanta katkatatanku.

Ichapas hukkaqnin ninman: “Qamqa iñiyniyuqmi kanki, ñoqañataqmi allinkuna ruwaq kani” nispa. ¿Imaynatataq qawachiwankiman iñiynikita allinkunata mana ruwaspaykiqa? Ñoqam ichaqa iñiyniyta qawachisqayki imapas allin ruwasqaywan.

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Chaynaqa, qawasqaykichikpi hinapas runaqa manam iñiyniyuq kasqallanwanchu mana huchayuqpaqña Diospa chaskisqanqa kachkan, aswanqa allinkuna ruwasqankunapiwanmi.

Qawaychikyá, Abrahamqa iñiynintam ruwayninwan qawachikurqa, hinaptinmi iñiyninqa aswan allin qawasqa karqa ruwayninkunawan.