Popular Bible Verses from Santiago 1

Share

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik. Yachasqaykichikpi hinapas iñisqaykichikmanta pruebasqa kaspaqa aswan pacienciayuq kaytam tarinkichik.

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.

Ichaqa qespichisqa kanaykichikkamayá aswanraq pacienciakuychik, chaynapi iñiypi wiñaspa mana imapa pisisqan kanaykichikpaq.

Diospa palabranta ruwayman churaqyá kaychik, amayá uyariqllachu; chayna kaspaqa kikillaykichiktam engañakuchkankichik.

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

Pipas uyariqlla kaspa mana ruwayman churaqqa, espejopi uyan qawakuqmanmi rikchakun, paymi qawapakusqanmanta muyuriykuspanqa imayna kasqantapas chaylla qonqakurun.

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruwaykunaman mana chapukuspa waqaychakuymi.

Pipas tentasqa kaspaqa ama piensachunchu: “Diosmi tentawachkan” nispaqa, Diosqa manam piwanpas tentachikunmanchu, nitaqmi pitapas tentanmanchu. Runaqa sonqonpa munasqankunawan apachikuspanmi tentachikunanpaq aysachikun.

Wakcha wawqe-panikunaqa Señorpa hatunchasqan kasqanpiyá hatunchakuchun