Popular Bible Verses from Mt 18

Share

Xb'aan naq b'ar wankeb' wiib' oxib' ch'utch'uukeb' sa' ink'ab'a', aran wankin sa' xyiheb'”.

“Ninye ajwi' eere: wi wankeb' wiib'aq eere sa' ruuchich'och' te'xk'e rib' sa' aatin chirix yalaq k'aru te'xtz'aama, taa'uxq reheb' xb'aan linchoxahil Yuwa'.

Li Jesus kixb'oq jun li ch'ina'al, kixk'e sa' xyiheb' ut kixye: —Relik chi yaal ninye eere: wi ink'a' teejal eena'leb' ut wi ink'a' jo'kaqex li kok'al, ink'a' tex'ok sa' li xnimajwal wankilal li choxa.

Jo'kan utan, ani tixkub'si rib' jo' li ch'ina'al a'in, a'an li q'axal nim xwankil sa' li xnimajwal wankilal li choxa.

“Ani taak'uluq re junaq ch'ina'al jo' a'in sa' ink'ab'a', laa'in tinxk'ul.

“Relik chi yaal ninye eere: chixjunil li teeb'ak' sa' ruuchich'och', b'ak'b'ooq ajwi' sa' choxa, ut chixjunil li teehit sa' ruuchich'och', hithooq ajwi' sa' choxa.

“Jo'kan ajwi' tixb'aanu eere linchoxahil Yuwa', wi ink'a' teekuy xmaakeb' leeras eeriitz'in chi anchal eech'ool chejunjunqal”, chan li Jesus.

Ab'an ani taaluktesinq xch'ool junaq reheb' li kok' a'in li neke'paab'ank we, jwal us raj cho'q re naq taat'uyub'aaq chi xkux junaq xpekul li ke'leb' li neke'xsurisi eb' li b'uur, ut taasub'e'q sa' xchamal li palaw.

“K'aru nekeye? Wi junaq winq wanq o'k'aalaq xkarneer ut taasachq ta junaq chiru, ma ink'a' tab'i' tixkanab' li b'eleelaju ro'k'aal chiru tzuul ut taaxik chi xsik'b'al li sachenaq?