Popular Bible Verses from Mt 19

Share

Li Jesus kixka'yaheb' ut kixye reheb': —Chiruheb' li winq ink'a' naru, ab'an chiru li Yos naru chixjunil.

Chi jo'kan eb' a'an moko wiib'eb' ta chik, junajeb' aj b'an chik chi tz'ejwalej. Jo'kan utan, li xlaq'ab'ahom li Yos, maajun chik taajachoq re.

Kixsumeheb' ut kixye: —Ma ink'a' eerilom sa' li Santil Hu naq laj Yoob'tesinel chalen chaq sa' xtiklajik «teelom ut ixq naq kixyoob'tesiheb'», ut kixye: «Jo'kan naq li winq tixkanab' li xna' xyuwa', tixlaq'ab' rib' rik'in li rixaqil ut junajaqeb' aj chik chi tz'ejwalej te'kanaaq chi xkab'ichaleb'»?

Ut li Jesus kixye: —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal wankilal li choxa.

Naab'aleb' li wankeb' chi uub'ej, te'kanaaq chi ixb'ej; ut naab'aleb' li wankeb' chi ixb'ej, te'kanaaq chi uub'ej.

Ut yalaq ani xkanab' rochoch, riitz'in, ranab', xna' xyuwa', ralal xk'ajol malaj ut xch'och' sa' ink'ab'a', tixk'ul o'taqk'aal reeqaj sa' xb'een li junjunq ut taareechani li junelik yu'am.

Kichaq'ok li Jesus ut kixye: —Wi taawaj naq tz'aqalaq aawe aawu, ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

Li Jesus kixye re: —K'a'ut naq nakapatz' we chirix li chaab'ilal? Jun ajwi' li Chaab'il. Wi taawaj ok sa' li yu'am, paab' li chaq'rab'.

Ninye wi' chik eere: ink'a' ch'a'aj naq junaq kameey taa'ok sa' ru kuux chiru naq junaq b'ihom taa'ok sa' li xnimajwal awab'ejihom li Yos.

Ut laa'in ninye eere: ani tixkanab' li rixaqil, wi ink'a' yal laq'lo rik'in, ut taasumlaaq rik'in jalan chik, tixmux li xsumlajik.

Toja' naq li Jesus kixye reheb' li xtzolom: —Relik chi yaal ninye eere naq junaq b'ihom q'axal ch'a'aj naq taa'ok sa' li xnimajwal wankilal li choxa.