Popular Bible Verses from Mt 16

Share

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

Tink'eheb' aawe li xlaawil li xnimajwal wankilal li choxa: li taab'ak' sa' ruuchich'och', b'ak'b'ooq ajwi' sa' choxa, ut li taahit sa' ruuchich'och', hithooq ajwi' sa' choxa.

Xb'aan naq ani naraj xkolb'al li xyu'am, taasachq chiru; ut li ani taasachq li xyu'am chiru sa' ink'ab'a', a'an tixtaw xyu'am.

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

—Ut laa'ex, anihin laa'in naq nekeye? chan li Jesus reheb'. Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

Toja' naq li Jesus kixye re: —Us xaq aawe, a Simón, ralalat laj Jonás, xb'aan naq moko a' ta li tz'ejwalej chi moko li kik'elej xk'utuk chawu a'in, a' b'an linchoxahil Yuwa'.