Popular Bible Verses from Mt 15

Share

Ut li k'aru na'elk chaq sa' ehej, nachalk chaq sa' li ch'oolej, ut a'an li natz'ajnink re li poyanam. Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

Maawa' li k'aru naxtzeka li junjunq natz'ajnink re, a' b'an li k'aru na'elk chaq sa' re: a'an natz'ajnink re.

«Li tenamit a'in rik'in xtz'uumal reheb' nikine'roxloq'i, a'ut li xch'ooleb' najt wank wik'in. Maak'a' aj e naq nikine'roxloq'i, xb'aan naq li k'aru neke'xk'ut chiruheb' li tenamit yal xtaqlahomeb' li winq».

Ut li Jesus kixye re: —At ixq, nim laapaab'aal; chi'uxq aawe jo' nakawaj. Ut sa' ajwi' li honal a'an kik'iraak li xko'.

Kichalk li ixq, kixwiq'ib' rib' chi xloq'oninkil ut kixye: —Qaawa', tenq'ahin! Kichaq'ok li Jesus: —Moko us ta xmaq'b'al xwaheb' li alal k'ajolb'ej re xk'eeb'al reheb' li kok' tz'i', chan re. —Yaal, Qaawa' -chan li ixq-, ab'an eb' li kok' tz'i' neke'xwa' ajwi' li xk'aj li wa nat'ane'k rub'el xmeexeb' laj eechal reheb'.