Popular Bible Verses from Pr 11

Share

Li natenq'ank chi anchal xch'ool, nab'ihomo'k; li ani nasihink, k'uluk ajwi' naxb'aanu.

Wankeb' neke'sihink, ut b'ihomo'k chik neke'xb'aanu; wankeb' ajwi' aj pix neke'k'uulank, ut neb'a'il nokoxe'oso'q wi'.

Li q'etq'etil nak'ehok sa' xutaan; li ani naxkub'si rib', a'an wank xna'leb'.

Wi eb' li wankeb' sa' xwankil maak'a'eb' xna'leb', nasachk li tenamit; ab'an wi naab'aleb' laj k'ehol na'leb', taakole'q li tenamit.

Li tiikilal nak'ehok yu'am; wi wank aana'leb', jalaneb' chik te'taaqenq aawe.

Li namolok aatin naxseeraq'i chixjunil, a'ut li winq paab'ajel ru naxk'uula sa' xch'ool.

Li natoq'ob'ank u narusila rib' xjunes; a'ut li narahob'tesink, xjunes naxsach rib'.

Li k'ojk'o xch'ool rik'in li xb'ihomal, taa'oso'q jo' li chaqiq'een; ut li tiikeb' xch'ool chanchanaqeb' li raxraxil ru k'iche'.

Li b'ihomal maak'a' na'ok wi' sa' xkutankil li raqok aatin; ka'ajwi' li tiikilal nakolok chiru li kamk.

Li chaab'il xch'ool nab'eresiik xb'aan li xtiikilal; eb' laj b'alaq' te'oso'q sa' li xb'alaq'ileb'.

Li ixq ch'ina'us ut maak'a' xna'leb' chanchan wi' li matq'ab' oor chi ru'uj junaq aaq.

Li Qaawa' naxtz'eqtaana li b'alaq'il peex, ut naxk'ul xch'ool li nab'isok chi tz'aqal.