Popular Bible Verses from Pr 12

Share

Li rahil ch'oolej naxluktesi xch'ool li winq; a'ut li chaab'il aatin naxsahob'resi.

Li naxk'ul ru li tije'k, a'an wank xna'leb'. Li xik' nareek'a q'use'k, a'an maak'a' xna'leb'.

Wan li aatin ra nanaqk wi' jo' naxset li q'esnal ch'iich'; ab'an li raatin li wank xna'leb', a'an chanchan li chaab'il b'an.

Li maak'a' xna'leb' naxk'oxla naq chaab'il naxb'aanu; a'ut li wank xna'leb' naxpaab' li xq'usb'al.

Li maak'a' xna'leb' najosq'o'k chi junpaat; li wank xna'leb' ink'a' naxk'e sa' xch'ool li hob'e'k.

Li ixq chaab'il xna'leb', a'an xloq'al li xsum'aatin; a'ut li ink'a' us xna'leb' naxpo' xch'ool chi junwaakaj.

Li Qaawa' xik' narileb' laj tik'ti', ab'an nasaho'k xch'ool rik'ineb' li neke'wank sa' tiikilal.

Li tiik xch'ool naxk'ut xb'e li ras riitz'in; a'ut li ink'a' us xna'leb' naxsachb'esi.

Li ani naxye li yaal, wanq chi junelik; a'ut laj tik'ti' ink'a' najt taawanq.