Popular Bible Verses from Ecles 4

Share

Isit'ak tefwaji n'oelh. Matche, nitäkw häp tä is, tsi laha ihi m'ak tä yenlhi. Tsi che nichäthen elh, elh ineyhatphä. Tha ch'at at lhamej tä tefwajyani n'oelh, che nichäthen wet newache elh che ineyhatphä.

Wet che hin'o weihalha, m'ak ikalhihit'a. Mat che lhäy'e elh, häpkhilek tumlä elh tä inuye. Wet n'opätnek tä nitäkwchehen õt'iwnhiyet'ak õyiset.

Te che nitäkwfwas tä imäwek, wet hip'ewek. Tehit'a iwoye che tefwaji tä imä, hip'ehilhit'a.

Mat oyok, “Laha ihi che hin'o hiw'en m'ak tä lhimphaj wet letamsek ihi, niteyat iwoye tä tachumlhipej wet fwetaj itsoklhi yafwthi.”

Iche m'ak elh tä ow'en. Tsi tä hin'o tachumlhi wet ikatej m'ak tä tälhe lechumet, häp tä ichihelit elh t'äytenyaj. Täjtso äpte häpe m'ak tä m'ak nitälhaye, tet iwoyek õ'fwetaj õ'tsoklhi yafwthi.

Isajya mamse tä m'ak niw'ena tä ihan m'akej, tha mat t'at niyat wumek tä amukwe wet äp niwatahlä n'ochufwenyaj.