Popular Bible Verses from Ecles 5

Share

Amajej t'at ämtes, yej kelitphä ämet tä lewoyeje Dios. Tsi Dios Lew'et puleye wet am lhe honhatena, häp tä is che niwuja ämtes.

Wet tä Dios hiw'enho hin'o häp lakäywet wet äp iwahnej che isej wet akäjejlhi m'ak tä tälhe, häp tä is, häp täjtso t'awayhat tä tälhe Dios.

Elh tä ihumin chinaj t'äj nipajiyahit che leyi nofwi. Elh tä ihumin che wuj m'ak tä hiw'en kamaj y'ayhtejen t'at. Te häpe t'at m'ak tä m'ak nitälhaye.

Che lehoye Dios Lew'et, tetshan t'at m'ak tä lewoye. A'ämte häpkhilek letach'ahuye Dios, yej atech'aynej hin'o tä amukwe tä fwetaj ikäntejlhi Dios häp itshäwet tä ilän. Hin'o tä mälhyejtso ihanhiyejt'ak ileyej m'ak tä ni'isa tä iwoye.

Che lewoyeje ämet Dios, yej pantej tä lematitche, tsi lham tek akäjejlhi elh tä amukwe. Matitche m'ak tä etnhayaj.

Is t'at che ka'etnaye, tsi che lhetne wet kamattache m'ak tä lhetne.

Chumaj letamsek ihi tä imä, tej che wuj wok niwujak t'ek. Tha mat käywet wuk imähit'ahlä m'ak tä naya tä iyej.

Tä tälho lako kahi, ts'ilakche wet niwohit m'ak che hiw'en. Wet tehlattso che y'il, w'awulhi t'at täjp'ante näm, niwohit m'ak che ichäj lhamche.