Popular Bible Verses from 1 TUI 18

Share

mo ni rogoci au, I Jiova, mo ni rogoci au; me ra kila na tamata oqo ni ko sa Kalou koi kemuni, Jiova, ka ni kemuni sa saumaka tale na yalodra.

Ia e na gauna sa dauvakacabori kina nai soro ni yakavi, sa toro kina ko Ilaija na parofita, ka kaya, Kemuni Jiova na Kalou i Eparaama, kei Aisake, kei Isireli, me kilai mada edaidai ni kemuni sa Kalou e Isireli, ka ni'u sa nomuni tamata talega koi au, ka sa nomuni vosa ka'u sa cakava kina na ka kecega oqo

A sa toro voleka vei ira kecega na tamata ko Ilaija, ka kaya, E bogi vica mada kemuni na lomalomarua tiko kina? kevaka sa Kalou ko Jiova, mo ni muri koya: ia kevaka ko Peali, mo ni muri koya. A ra sa sega ni kaya vua e dua na vosa ko ira na tamata.

Sa qai lutu sobu mai na bukawaqa i Jiova, ka kania nai soro kama, kei na buka, kei na vatu, kei na kuvu-ni-qele, ka dramica na wai e na keli.

Ia ni ra sa raica ko ira na tamata kecega, era sa cuva vakatoboicu; a ra sa kaya, Sa Kalou ga ko Jiova; Sa Kalou ga ko Jiova.

Ia e na kenai kavitu, sa kaya ko koya, Raica, sa lako cake mai na wasawasa e dua na o lailai, sa vaka na liga ni tamata. A sa kaya ko koya, Mo lako cake, mo kaya vei Eapi, Mo ni vakarautaka na nomuni qiqi vakaturaga, ka lako sobu, de tarovi kemuni na uca.

A sa tiko kei Ilaija na liga i Jiova; a sa vauca ko koya na tolona, ka cici ka liutaki Eapi ki nai bili mai Jesirieli.

A sa kaya vei Eapi ko Ilaija, Mo lako cake; mo kana ka gunu; ni sa kere mai e dua na uca levu.

A sa kaya vua na nona cauravou, Mo lako cake mada, mo rai vaka ki na wasawasa. A sa lako cake ko koya, ka rai voli, a sa kaya, Sa sega na ka e kune, A sa kaya ko koya, Mo lako tale ka vakavitu.

A sa kaya vei ira kecega na tamata ko Ilaija, Ni toro mai vei au. A ra sa toro vua ko ira na tamata kecega: a sa vakavinakataka ko koya nai cabocabo-ni-soro i Jiova, ka sa talaraki sobu.

ia mo ni masu ki na yaca ni nomuni kalou, ia ka'u na masu ki na yaca i Jiova; ia na kalou sa vosa mai e na bukawaqa, me Kalou ga ko koya. A ra sa vosa kecega na tamata, ka kaya, Sa vinaka na vosa.

A sa kauta ko Ilaija na vatu e tinikarua, me vaka nai wiliwili ni nodra veimataqali na luve i Jekope, o koya ka yaco vua na vosa i Jiova, ka kaya, Ena vakatokai na yacamu ko Isireli

Ia ni sa siga levu, sa qai vakalialiai ira ko Ilaija, ka kaya, Dou kaci vakadomoilevu: ni sa kalou ko koya: sa vakanananu tiko, se sa tiko tani, se sa lako tu ki na dua na vanua; se sa moce beka, ka sa yaga me vakayadrati.

a sa cakava ko koya e na veivatu ko ya nai cabocabo-ni-soro e na yaca i Jiova: a sa kelia e dua na keli me volita nai cabocabo-ni-soro, ka me rauta e rua nai vakarau ni sila.