Popular Bible Verses from 1 TUI 17

Share

Ni sa kaya vakaoqo ko Jiova na nodra Kalou na Isireli, Ena sega ni oti na saqa madrai droka, ena sega talega ni maca sobu na tavaya waiwai, ka me yaco mada na siga ena vakatauca na uca ko Jiova ki vuravura.

A sa kaya vei Eapi ko Ilaija na kai Tisipa, e dua vei ira na kai Kiliati, Me vaka sa bula ko Jiova na nodra Kalou na Isireli, o koya ka'u sa tu e matana, ena sega ni lutu na tegu se tau na uca e na veiyabaki oqo, ena yaco ga me vaka na noqu vosa.

A sa kaya vua ko Ilaija, Mo kakua ni rere; mo la'ki cakava me vaka na nomu vosa; ia mo cakava mada eliu vei au e dua na keki lailai, ka kauta mai vei au, mo qai vakarautaka emuri na kemudrau kei luvemu.

A sa kaya ko koya, Me vaka sa bula ko Jiova na nomu Kalou, sa sega vei au e dua na keki, sa dua ga na madrai droka e na saqa sa yakuta rawa na ligaqu, ka dua na waiwai lailai e na tavaya: ka raica, ka'u sa cava e rua na buka me'u la'ki vakarautaka na keirau kei luvequ, me keirau kania, ka qai mate.

Mo cavu tu, mo lako ki Sarifaci, oqori sa vaka-Saitoni, ka tiko maikea: raica, ka'u sa vakarota vua e dua na yada maikea me vakani iko.

Sa sega ni oti na saqa madrai droka, ka sega ni maca sobu na tavaya waiwai, me vaka na vosa i Jiova ka vosataka ko koya e na gusu i Ilaija.

A sa lako ko koya, ka kitaka me vaka na vosa i Ilaija: a sa kana tiko ko Ilaija, kei na yalewa, kei iratou na nona lewe-ni-vale, ka bogi vuqa.

A sa cavu tu ko koya, ka lako ki Sarifaci. Ia ni sa yaco ki na matamata-ni-koro, raica, sa tiko maikea e dua na yada, a sa ca buka tiko: a sa kaci vua ko koya, ka kaya, Mo kauta mada mai vei au e dua na wai lailai e na bilo, me'u gunu.

ia ko na gunu mai na uciwai; au sa vakaroti ira talega na reveni me ra vakani iko tiko maikea.

Ia ni sa lako yani ko koya me kauta mai, sa kaci tale vua ko koya, ka kaya, Mo kauta talega mai vei au e na ligamu e dua na tiki ni madrai.

Ia na reveni sa daukauta vua na kena madrai kei na kena lewe ni manumanu e na veimataka, kei na kena madrai kei na kena lewe ni manumanu e na veiyakavi: a sa gunu ko koya mai na uciwai.

Ia sa bogi vica, sa qai maca na uciwai, ni sa sega ni tau na uca e na vanua.

A sa kaya vei Ilaija ko koya na yalewa, Au sa qai kila e na ka oqo ni ko sa tamata ni Kalou, ka sa dina na vosa i Jiova e na gusumu.

A sa muria ko koya na vosa i Jiova: ka sa la'ki tiko ko koya mai na uciwai ko Kirici, oqori sa tu mai na mata ni Joritani.

A sa rogoca na vosa i Ilaija ko Jiova; a sa curu tale mai vua na gone na yalona, a sa bula.