Popular Bible Verses from Khalaatiya 6

Share

Achaan da, khalli nisawwu al-kheer daayman wa abadan ma naksalo minnah. Baʼadeen kan ma kisilna, nalgo minnah faayde.

Wa achaan da, fi ayyi wakit indina fursa, khalli nisawwu al-kheer le kulla l-naas wa khaassatan le ahal al-iimaan.

Wa fi wakit al-taʼab, assaaʼado ambeenaatku. Wa misil da, titabbugu wasaaya al-Masiih.

Ma tukhuchchu nufuusku. Allah ma yinkhachcha. Al-cheyy al-naadum yiteeribah, da bas al-yalgaah.

Kan naadum yitaabiʼ chahwaatah al-fasliin, hu yalga min chahwaatah al-halaak. Wa kan naadum yitaabiʼ al-Ruuh al-Khudduus, khalaas hu yalga min al-Ruuh al-Khudduus al-haya al-abadiiye.

Ya akhwaani, kan waahid minku wagaʼ fi khata, waajib intu al-gawiyiin be gudrat al-Ruuh al-Khudduus tikhattumu leyah be nafas baarid wa tigabbuluuh fi l-derib al-adiil. Wa fakkuru le nufuusku achaan al-zanib al-yaji be l-tajriba ma yinnasir foogku intu kula.

Wa kan naadum sawwa nafsah aali min akhwaanah lahaddi ma yisaaʼidhum, be l-sahiih hu ma yisaawi cheyy wa khachcha nafsah. Khalli ayyi waahid yijarrib al-khidme al-hu zaatah yisawwiiha le l-Rabb. Wa misil da, hu yafrah be khidimtah wa ma yichiif khidme hana naadum aakhar. Achaan ayyi waahid masʼuul min nafsah.