Popular Bible Verses from Afasus 1

Share

Khalli nuur Allah yadkhul fi guluubku achaan tafhamo tamaam al-acham al-Allah naadaaku le talgooh wa battaan tafhamo kubur al-warasa al-majiide al-gaaʼide fi ust al-saalihiin. Wa taʼarfu gudurtah al-ma indaha hadd al-gaaʼide takhdim leena aniina al-muʼminiin. Al-gudra di aziime wa hi al-gudra al-Allah bayyanha fi l-Masiih wakit baʼasah min ust al-maytiin wa rafaʼah foog fi l-samaawaat wa gaʼʼadah fi nussah al-zeenaay. Al-Masiih gaaʼid fi bakaan aali bilheen min kulla l-hukkaam wa l-kubaaraat wa min kulla cheyy al-indah gudra walla muluk. Usmah aali min kulla usum al-yatruuh al-naas, ma fi l-dunya bas laakin fi l-aakhira kula.

Gubbaal bidaayit al-dunya, Allah azalaana fi l-Masiih. Be sabab mahabbitah, hu chaal niiye achaan nabgo khaassiin wa nahdaro giddaamah bala ayyi eeb. Min awwal, hu khaddar leena wa chaal niiye achaan nabgo iyaalah be waasitat Isa al-Masiih. Wa di bas niiytah al-hu radyaan beeha.

Ibnah fadaana be dammah wa beyah hu, Allah khafar leena khataayaana. Di bas niʼmatah al-aziime

Khalli nachkuru Allah abu Rabbina Isa al-Masiih. Hu baarakaana be kulla l-barakaat al-ruuhiiye al-fi l-sama achaan alaakhitna maʼa l-Masiih.