Popular Bible Verses from 1 Butrus 5

Share

Kulla cheyy al-tihimmu beyah, khalluuh le Allah achaan hu yichiil masʼuuliiyitku.

Taʼabku yagood battaan wakit chiyya. Wa laakin Allah indah rahma kabiire wa hu naadaaku achaan tichaaruku fi majdah al-abadi be alaakhitku maʼa Isa al-Masiih. Wa Allah hu zaatah yisabbitku wa yigawwiiku wa yantiiku gudra wa ma tagaʼo battaan.

Khuttu baalku wa agoodu waaʼiyiin achaan aduuku Ibliis gaaʼid yihawwig foogku misil duud al-gaaʼid yikirr wa yifattich naadum le yaakulah. Agoodu saabtiin fi iimaanku wa agiifu didd Ibliis. Aʼarfu kadar akhwaanku fi ayyi bakaan fi l-dunya gaaʼidiin yahmalo nafs al-taʼab misilku.

Khalaas, maskunu nufuusku giddaam gudrat Allah wa fi l-wakit al-muwaafig, hu bas yarfaʼku.

Wa leeku intu al-chabaab kula, asmaʼo adiil kalaam kubaaraatku. Wa nuguul leeku kulluku, maskunu nufuusku ambeenaatku al-waahidiin le l-aakhariin. Achaan Allah yugumm didd al-naas al-yistakbaro laakin hu yanti niʼma le l-naas al-yimaskunu nufuushum.