Popular Bible Verses from 1 Butrus 4

Share

Gubbaal kulla cheyy, arraayado ambeenaatku be mahabba chadiide achaan al-indah mahabba yisaamih ziyaada le l-naas al-yakhto foogah.

Allah anta ayyi naadum minku gudra achaan yakhdim beeha le akhwaanah. Wa khalli ayyi naadum yichiil masʼuuliiytah fi barakat Allah al-gaaʼide tisawwi ambeenaatku khidme chig chig.

Masalan, ayyi naadum al-yikallim le l-akhwaan fi l-malamma, khalli yikallim leehum be kalaam Allah. Wa ayyi naadum al-yakhdim le l-akhwaan, khalli yakhdim be l-gudra al-Allah antaaha leyah. Achaan kulla cheyy al-tisawwuuh yimajjid Allah be waasitat Isa al-Masiih. Wa leyah hu al-majd wa l-muluk daayman wa ila l-abad. Aamiin.

Wa laakin kan yitaʼʼubuuh achaan hu Masiihi bas, khalli ma yakhjal. Fi badalah, khalli yimajjid Allah achaan al-naas jaʼalooh naadum hana l-Masiih.

Kumaalit kulla cheyy gariib. Achaan da, khuttu baalku wa agoodu saabtiin daayman achaan tagdaro tisallu fi ayyi wakit.

Ya akhwaani al-nihibbuku, ma tiʼajjubu min al-taʼab al-chadiid al-yaji foogku achaan yijarribku. Ma tuguulu da cheyy ma maʼruuf ja foogku. Intu gaaʼidiin tichaaruku fi taʼab al-Masiih wa achaan da, afraho fi ust al-taʼab. Wa kan chaaraktu fi taʼab al-Masiih da, tafraho farha chadiide wakit hu yibiin fi majdah.

Khalli ayyi naadum minku yifaddil akhwaanah al-yaju leyah wa ma yachki.

Wa be misil da, khalli al-naas al-yatʼabo hasab al-Allah yidoorah yisawwu daayman al-kheer wa yitwakkalo ale Khaalighum al-Saadikh.

Wa be misil da, taʼarfu kadar al-Masiih ligi taʼab fi jismah. Wa gawwu nufuusku be fikir misil fikrah achaan al-naadum al-khibil taʼab al-jisim khalla minnah al-zunuub. Wa hu ma yidoor yitaabiʼ chahwat al-naas battaan, laakin yidoor yitaabiʼ al-Allah yidoorah tuul al-wakit al-faddal leyah fi l-dunya.

Kan al-naas yiʼayyuruuku achaan intu naas al-Masiih, khalaas induku baraka achaan Ruuh Allah al-majiid gaaʼid foogku.