Popular Bible Verses from Lomaŋ 6

Share

Sɔnyɔ̂ŋ fela-fei ƃa saa. Kɛ́lɛ, Ɣâla ŋɔƃɛlɛ-sêe sama-sɛŋ ƃa ŋ̀wɔ́lɔ-wɔlɔ fulu-laai Kúnuu-namui Zîsɛ Kôrai kponôi.

Káfe ǹɛɛ naa sɔnyɔ̂ŋ ŋɔwála-walai fé kɛ̀ kámɛi, tãi nɔ́ káfe la tɔ̂ŋ mu, fɛ̂ɛ m̀ɛlɛ-seei.

M̀ɛni ma kwa dîa-ni dí kúloo saa su batâi sârai, a gɛ́ɛ berei Nàŋ-nuui ŋɔfólo-laai sârai è Kôrai mu siɣe la saa yêei, kúa máŋ ku sía fúlu-laa nina su.

Káfe nɛ̀ɛ naa sɔnyɔ̂ŋ é gɛ́ kátɔɔ-saŋ da é kɛ́ a ŋ̀wana-lɔ̂ɔ kɛ́-sɛŋ. Kɛ́lɛ, ka kákpîŋ tɛɛ Ɣâla yɛ̂ɛ ǹúui kùla saa yêei é pá fúlu-laa sui. Ka kátɔɔ-saŋ kélee tɛ́ɛ Ɣâla pɔ́ yɛ̂ɛ tɔ̃yâ laa-la maa tii kɛ́-sãa.

Kú gɔ́lɔŋ a gɛ́ɛ kúkpîŋ tua-pere pɔlɔ-ŋai da wɔ́lɔ saa a díkpamoɔɔ zaa-wurii ma da dîa-ni, a gɛ́ɛ kúsɔnyɔ̂ŋ kpono-ŋai su é kara, a gɛ́ɛ é síɣe sâa ma kúfe wɔ́lɔ ŋɔ́nɔ pâi kɛ̂i a sɔnyɔ̂ŋ ŋɔluɛ

À kɛ̀ tí káa máŋ ka kákili ŋá sía a gɛ́ɛ ka nâa kpera káɣeniɛi kɛ́ɛ ma a sɔnyɔ̂ŋ. Kɛ́lɛ, kákaa a káfulu Ɣâla yêei Zîsɛ Kôrai sârai.

Lé ƃé kwa pâi ŋaŋ m̀ôi? Kwa pâi lɛɛ̂i nɔ́ sɔnyɔ̂ŋ kɛ̂i a gɛ́ɛ m̀ɛlɛ-seei e ƃɔlɔ? Vé tí a dɔnɔ kpîŋ! Kwa pɔ̂ri kɛ̂i léŋ nɔ́ sɔnyɔ̂ŋ su à kɛ̀ saa a kúloai tée kwa sɔnyɔ̂ŋ ní?

Káfe gɔ́lɔŋ a gɛ́ɛ à kɛ̀ kà kákpîŋ tɛ̀ɛ núu da pɔ́ a yɛ̂ɛ woo mɛni luɛ-ŋa, gɛ̀ ní kákaa a ǹúui tí ka ŋ̀óo mɛnii ŋɔluɛ-ŋa? Kákaa a sɔnyɔ̂ŋ ŋɔluɛ-ŋa nyíi a kákɛ̀ kásaai, kpaa máŋ kákaa a woo mɛni ŋɔluɛ-ŋa nyíi a kákɛ̀ a tɔ̃yâ-ƃelai.

Kɛ́lɛ, sɛɣɛi-fe é tɛ́ɛ Ɣâla pɔ́ a gɛ́ɛ káai wɔ́lɔ kɛ̀ a sɔnyɔ̂ŋ ŋɔluɛi, ka nâa kɛ́ a zɛŋ-lɛ́ɛi ka zɔlɔ ƃoi ŋɔwoo mɛni-ƃela é kúla kálii su. Ka nâa kula sɔnyɔ̂ŋ ŋɔluɛ-laai su, ka kɛ́ a tɔ̃yâ laa-la ŋɔluɛ-ŋa.