Popular Bible Verses from Táre-woo-ŋa 4

Share

Íkili-ŋa sîai mɛi káa a ǹɛ́lɛɛ mɛni sîi kélee su, kpɛ́ni fêi, nàa ƃé ífulu-laai a kûla naa.

Íkɔɔ pîlanii káa a ǹɛ́lɛɛ a gɛɛ ísia-pere é kɛ́ a zã́a.

Ímaa kúla wôya lono ma, ífe nɛ̀ɛ naa kíri-lono é kúla íla.

Táre káa a sɛŋ maa mɛ̂ni kpanaŋɔɔ ŋánaa. M̀ɛni ma, mɛni tɔ̂nɔi maa-nɛ̃ɛi í gɛ́i, ǹyaa ƃa mɛni ŋá káa é kɛ́ íyêei.

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ. Ŋ̀wana-lɔ̂ɔ-ƃelai díperei káa yɛ̂ɛ kpíni kɛ́tɛ. Dífa zɛŋ kâa da kâreŋ lai.

Ífe kùla táre pôlu. A pâi ímɛi kâai. Ŋ̀wɛ́li, a pâi ímaa kɔ̃ɔ̂i.

Ŋásɛŋ-lɛɛi sóŋ a gbanaŋɔɔ. Ífe tèe ma. Ǹâai kɛ́, kpɛ́ni fêi, gáa a ífulu-laai.

Ífé sìa ŋ̀wana-lɔ̂ɔ-ƃelai dí-perei ma. Ífe pìlaŋ zɔnyɔ̂ŋ-ƃelai tûa-perei pôlu.

Óo, ńônii, ka kánâŋ ŋɔsɛŋ-lɛ-wooi mɛ́ni, ka káwoli tɔ́ɔ mà a gɛɛ ká táre sɔlɔ ƃó.