Popular Bible Verses from Táre-woo-ŋa 3

Share

Láa a Ɣâla Yâwɛɛ a ílii kélee. Ífe làa a íkpîŋ tare. Tɔɔ Ɣâla Yâwɛɛ é íteniŋ tɔ́ɔ íkɛ-mɛni kélee su. A pâi pere sã́a lɛ̂i yâ.

Ífe íkpîŋ sìɣe a táre-nuu. Yao Ɣâla Yâwɛɛ ma, í ípôlu tɔɔ mɛni nyɔ́mɔɔ kɛ́ɛ ma.

Ƃaa-kɛ-maa tɛ́ɛ Ɣâla Yâwɛɛ pɔ́ a sama-sɛŋ é kúla íkɔ̂liŋ da ísi-sɛŋ-ƃai maa-ŋuŋ kélee su. Gɛ̀ ní íkêre-ŋai lá a pâi fɛ̂ɛi a mii-sãa, íŋwã̂ai-pui kɛ́-sãai kélee láa é fɛ̂ɛ gɛ́ yèŋ la.

Ífe nɛ̀ɛ naa wɛli-kɛ-maa da sã́a-laa dí kúla íyêei. Dí tóo íkɔŋ ma, í dípɔ̃yɛ ílii su.

Ńoŋ, ífe íŋɛi nàɣiŋ Ɣâla Yâwɛɛ ŋɔtɔŋ-kpɛ-maai mɛi, kpaa máŋ ífii é kpɛ̀ɛ à kɛ̀ à tɔ̂ŋ kpɛ̀ yâ. Kpɛ́ni fêi ǹúui Ɣâla Yâwɛɛ è ŋ̀wɛli nii, ǹyaa ƃé a tɔ̂ŋ kpɛ̀ ma, yɛ̂ɛ berei nàŋ-nuu a tɔ̂ŋ kpɛ̀ la ǹóŋ ma nyii è ŋ̀wɛli-nii.

Ńoŋ, ífe nìa ŋásɛŋ-lɛɛi ma. Ŋátɔ̂ŋ-ŋai dí lɛ́ɛ íkili ŋá í dímɛi káa. Da pâi fúlu-laa su kôyaa tɛɛ̂i ípɔ da lii-see.

Líi-nɛ̃ɛ káa ǹúui ma a táre sɔlɔ ƃô, da ǹúui a mɛni ŋá kàai. Kpɛ́ni fêi, vela-fei núu a zɔlɔ ƃô táre sui, ǹɛ̂lɛɛi é tɛ́ɛ vela-fei ma núu a gùla káne sui. M̀ɛni kpanaŋɔ̂i yâ é tɛ́ɛ gôo ma. Zɔ̃ɔ kpanaŋɔ̂i é tɛ́ɛ kɔni-ŋaa sɔ̃ɔ kpanaŋɔɔ ma. Ǹyaŋ ífa pɔ̂ri gɔ̂ɔnii sɛŋ da kélee ma nyii ŋ̀wɛ́li káa yâi.

Ífe kpèra kpɔŋ-mâ tɛɛ̂i diai pɔ́ maa nɛ̃ɛ̂i í dɛɛ dípɔi.

Ɣâla Yâwɛɛ è ǹɔii kpɛ̂tɛ a táre. È ŋ̀elei kpɛ̂tɛ a ŋɔmɛni ŋá-kaai.