Popular Bible Verses from Táre-woo-ŋa 2

Share

Ɣâla Yâwɛɛ ƃa táre tɛ̀ɛ. Ǹyaa ƃé sɛŋ kɔ́lɔŋɔɔ da mɛni ŋá-kaa a kûla ǹyêei.

Ńoŋ, zɛŋ ŋa nɛ̀ yâi, gɛ́. Ífe wɔ́lɔ nìa m̀ɛni-ŋai dîa ŋá mò yâ a gɛɛ í gɛi. Íwoli tɔ́ɔ dáre-woo-ŋai dîa. Kɔ́ í díŋa káa. Ɣâla kpera fé a gɛɛ é kili-ŋa pôno tɛɛ ípɔ da mɛni-ŋa káa. Gɔ́ri a gbanaŋɔɔ yɛ̂ɛ berei nûa da káne kɔ̀ri lai, kpaa máŋ yɛ̂ɛ diai da tɔɔ-sãa sɔ̃ɔ kpanaŋɔɔ kɔ̀ri nyii gáa loo-perei. À kɛ̀ ƃà gɛ̀ tí, gɛ̀ ní ƃa pâi Ɣâla Yâwɛɛ ŋɔyao-maai ŋá kâai, í ŋɔ́nɔ táre m̀aa mɛ̂ni su.

A kpɔŋ diai dîa dítûa-pere sãai, gɛ́ dɔ̃yâ-ƃelai maa kɔ̃ɔ. A diai mɛi kâa da tûa sãa kɛ̀ a nûa da kpɛ́nii, gɛ́ diai mɛi kâa da díkpîŋ tɛ̀ɛ bɔ́i.

Kpɛ́ni fêi, ǹɔii a pâi kɛ̂i a ǹúu sãa-ŋai pɔ́ɔ, dɔ̃yâ-ƃelai dí sée naa. Kɛ́lɛ Ɣâla a pâi ŋ̀wana-lɔ̂ɔ-ƃelai kpɛ̂i ǹɔii ma, é zɔnyɔ̂ŋ-ƃelai kúla yɛ̂ɛ kala.

Táre a pâi íkulâi núu da kpɛ́ni ŋɔnɛnî yêei, nyii a kɔ̂ a gɛɛ é ǹyée láa yâ a la-nɛ̃ɛ-maa wooi, nyii a bôlu tɔ̀ɔ ŋɔsurɔ̂ŋ ma, é nia ŋɔkono-tee-wooi ma è gɛ̀ Ɣâla ŋɛ́i-tuɛi.