Popular Bible Verses from Táre-woo-ŋa 16

Share

Ítii-ŋai kélee tɛ́ɛ Ɣâla Yâwɛɛ pɔ́, gɛ̀ ní ǹáa a pâi kulâi.

Núu ŋɔmɛni-kpɛtɛɛ a kûla ǹíi su, kɛ́lɛ Ɣâla Yâwɛɛ ƃa déniŋ tɔ̀ɔ a berei é sía lai.

Wóo lɛ́lɛɛ káa yɛ̂ɛ kɔ̃́iŋ-wulɔ, a lâa núu líi ma gɛ́ núu ƃàlo.

Núu-kpune ŋɔmɛni-kpɛtɛɛ a kûla ǹíi su, kɛ́lɛ Ɣâla Yâwɛɛ ƃa ŋɔmɛni gbɛɛ-ŋai kpɛtɛ-nuu.

Lii-kpele lɛ̂lɛɛi é tɛ́ɛ wála-wala-laa ma. Ǹúui a ǹíi maa sòŋ ǹɛ́lɛɛi é tɛ́ɛ ǹúui ma a taa yée mɛi ɣâlei.

Su-mɛni kɛ̂tɛ a núu su-kara. Ŋɛ́i-naɣiŋ-mɛi a gɛ̀ núu é tóo.

Núu-kpune tûa-pere kélee lɛ̂lɛɛi gbîŋ ŋ̀ɛ́i, kɛ́lɛ Ɣâla Yâwɛɛ è mɛnii kpîŋ kɔ́lɔŋ ǹíi sui.

Ǹúui a ŋ̀óli tɔ̀ɔ táre sɛŋ-lɛɛ-mai, a mɛni lɛ́lɛɛ sɔlɔ ƃô. Lûwa káa ǹúui ma ǹâai a Ɣâla Yâwɛɛ.

Sɛŋ-loŋ sɔlɔ ƃóɔɔ tɔ̃yâ-pere su lɛ̂lɛɛi é tɛ́ɛ gɛ́tɛ sɔlɔ ƃóɔɔ ma wôya-pere su.

Berei nyii ílâai la ǹɛ̂lɛɛi íkili ŋái, a lî a yá su-kara-pere su.

Ŋwana-lɔ̂ɔ-nuu a laa-saa tèe, láa-ƃo kɛ́-nuu laoi-laa su kàra.