Popular Bible Verses from Prov 15

Share

Re' i chaq'wik ruuk' i q'unil, i rujoot'isaj wach i k'aah. Re' chaq'wik ruuk' i kowlaj q'orik, i rujosaj wach i k'aah.

Re' i ruyohljiik i Dios ink'uhtanik i holohik laj na'ojb'al. Awach iraaj chi naa ruye'ariik runimaal wach, peet naa ruloch'om riib'.

Awach i holohik laj q'orik i nelik cho ju' raaq', je' rukab' i chee' inye'wik k'acharik. Eh re' i re' yiib' wach q'orik i nelik cho ju' raaq' i rujot' i ránima.

Awach i ma' rupahqaaj ta runa'ojb'al ma' i nelik ta korik taqe i rub'an. Eh wila' raaj chi naa reliik korik, koruman chi naa rukojariik runa'ojb'al.

Awach i suq i ránima se'eel wach. Awach i ti' i ránima intz'irik wach.

Re' QaJaaw Dios wilik xa aha' yuuq', i rilow inki a'n i holohik kina'ojb'al, eh i yiib' wach kina'ojb'al.

Ma' xta reet chi ma' xta neen wihik reh jino'q, xa re' la', mi ruyohleej i Dios, chuwach chi neen wihik rub'ehomal jino'q, eh xa eliik-oq ti' i ruk'ux.

Awach i xiik' naah josq'iil, xa re' i tikij peleto iraaj. Eh awach i wilik q'unil ruuk' i rujoot'isaj wach i peleto.

Re' korik wach ruk'ux, korukapaaj riij i chaq'wik i rub'an. Eh re' i yiib' wach runa'ojb'al, xama' toob' laj q'orik i resaj reje panchii'.