Popular Bible Verses from Prov 14

Share

Wilik i b'eeh i ruk'am i winaq pan holohik inooj noq i rilow, xa re' la' pankimik ink'amarik noq inooj kuxoq.

Awach i xa atoob' wach ránima, suq chu'nchel i ruti'jolal. Eh re' ixowaal, imponik wach b'aaq i ti' i rub'an.

Awach i wilik q'unil ruuk' i ruk'uhtaaj chi wilik runa'ojb'al. Awach i ma' xta q'unil ruuk', i ruk'uhtaaj chi xa re' i ma' holohik taj wilik paránima.

Re' ixoq wilik runa'ojb'al i ruyejaa' taqe paam i rupaat. Eh re' ixoq ma' nimanik taj, i rusach wach i chib'ih reh parupaat.

Awach i ruyohleej i QaJaaw Dios, ch'iklik ruk'ux ruuk' i runimaniik, eh ch'iklik wo' kik'ux taqe i rak'uun rixq'uun.

Re' ruyohljiik i QaJaaw Dios, k'acharik i ruk'am chaloq. Re' re' imb'anik eesanik pan q'ab' ink'amwik chaloq i kimik.

Re' wilik runa'ojb'al, inyo'jik chub'aan yiib' wach. Re' i ma' xta runa'ojb'al, ma' inyo'jik taj, chub'aan i yiib' wach.