Popular Bible Verses from Prov 16

Share

Cha woqxa'neej pan q'ab' i QaJaaw Dios chu'nchel i naa a'nam. Chi je' re', neenooj eloq wach taqe inayejaa' wach.

Re' winaq i ruyejaa' wach chib'ih taqe naa rub'anam, xa re' la', koruman chi re' Dios naa ruk'amwiik rub'eeh.

Awach i xasuq inq'orik, re' i ruq'oral xa je' chik ki'iil riis kaab', eh i rujoot'isaj wach i ánima, i ruyeew ruman rukowiil i k'uxliis.

Re' winaq wilik taqe i ruyejaa' cho wach rub'aan paránima. Xa re' la', re' QaJaaw Dios q'oreel chinaah mi neenooj eloq wach oon ma' nee taj.

Q'e' chihooj chi wilik q'unil ruuk' jino'q, chuwach chi xakow neerub'an riib'. Eh xiik' naah chihojal chi nee ruloch' riib' jino'q chuwach chi nee rutoq'aa' q'uchuuj tinamit.

Awach i q'e' i runimb'isaj riib' ma' jaruuj naa reliik korik ruuk' i rub'an, ruum chi xa re' i kaqwachiil wilik paránima naa ruq'eb'em riib'.

Re' winaq xa chu'nchel ma' xta reet i rub'an noq i rukapaaj, xa re' la' re' QaJaaw ineht'alinik reh chib'ih i rukapaaj cho paránima.

Awach i runimaj i ruq'oral i QaJaaw Dios holohik naa rojiik wii'. Atoob' reh awach i ruyeew ruk'ux ruuk' i QaJaaw.

Ma' xta reet chi xa k'isiin i chib'ih aweh, xa re' la' wi parub'ehel xareq. Xa ma' xta neerutiq chi k'ih i chib'ih aweh, wila' ma' parub'ehel xareq.

Wilik i b'eeh xa pan holohik chik ink'amwik noq ink'utinik, xanaah re', noq inooj kuxoq pankimik ink'amwik.

Re' i yiib' wach runa'ojb'al xa re' i tikij peleto iraaj. Re' i tz'aqal wach k'utaaj i rukoj pank'aah taqe i kamigo naq kiib'.