Popular Bible Verses from Heb 13

Share

Maak'ax taq wach i tumiin. Ch'iklik-oq la' taq ak'ux ruuk' chib'ih jariik i wilik taq aweh, ruum re' Dios je' wili i xuq'or: Re' hin ma' jaruuj naa nukanaam atoob'jiik. Eh ma' naa ta wo' kaat nuq'eb'em cha wutkeel, inki.

Re' Jesucristo reh xama' jaljinaq ta wo' wach i rajaawriik, nik' wach cho najtir q'iij, xa je' wo' re' yu'naak, xa je' wo' re' chi juneliik.

Je' re' noq re' hoj nee chik inqaq'or chi chu'nchel qak'ux chi je' wili: Re' hin re' QaJaaw Dios intoob'inik weh, ruum aj re' ma' kinyo'jik ta ruum chib'ih jariik i neerub'an weh i xa winaq, qoh ko'q.

Re' taq i hat, mansahchik taq panak'ux i rub'aan otob'il chawach. Eh k'ul taq chawunej awiib' i chib'ih i wilik taq aweh, ruum re' taqe wili imponik chuwach i Dios, eh je' jilow qamayiij chuwach.

Je' aj re' noq inchol qaye'em ruloq'il i Dios chi eliik parub'ihnaal i Jesucristo. Re' loq'inik wili jilow qamayiij chuwach i Dios, qaloq'ej taq ruuk' qachii'

Chayeew taq ruloq'il akaxarohiil je' rukab' i ruq'or i k'uhb'aal. Maa ch'uwa'reej taq wach. Ruum re' Dios naa ruq'atwiik i q'orik chikinaah awach inkich'uwa' risaj wach i kikaxarohiil, je' wo' taqe i ch'aqal wach kaxáro.

Eh chayeew taq kipatal aawulaa', ruum najtir cho q'iij wilik taqe i xkiyeew rupatal i kulaa', eh ma' keht'al taj chi ánjel xkik'ul pankipaat.

Re' Dios inye'wik suq kiil k'uxliis. Re' reh i x-uksanik cho reh i Jesucristo chi k'achlik wach, re' i nim wach laj aj cha'joom, eh ruuk' i loq'laj rukik'eel xuchihkaaj xuyeew rajaawriik i ak' k'uhb'aal ruyejaam cho wach i Dios. Re' ta naq i Dios neenmananik wach taq ana'ojb'al ruuk' chu'nchel i holohik chi b'anarik, reh chi nee taq i na a'n imponik chuwach i reh. Eh chub'an ta naq cho quuk' parub'ihnaal i Jesucristo iraaj i reh paruk'ux. Re' i Jesucristo qayeew runimaal ruloq'il chi juneliik Je' ta wo' naq re'.