Popular Bible Verses from Stg 1

Share

Hat taq nuhermano, noq neenchalik taq cha naah i xa reh reh wach chi pajarik, suuqb'oq taq ak'ux. Re' taq i hat aweht'al taq chik chi re' i pajarik taq inak'ul, re' re' inye'wik taq rukowiil ak'ux chukuyariik i ti' k'axik.

Wila' awach taq aweh i ko wilik iraaj i runa'ojb'al, chupahqaaj ree Dios, ruum re' Dios ma' pajooj taj noq i ruyeew chu'nchel aj eh, ruum ma' awach taj i tokoom rilariik i rub'an.

Hat taq nuloq'laj hermano, chaweht'aliij taq i wili: Xti chayeew taq ak'ux chi ib'irinik mo'-oq teheeh taq awach chi q'orik, je' wo' chi kaqrik

Ruum aj re', re' rukowiil taq ak'ux re' re' maakanaa' taq chik, reh chi neerumanaa' wach taq aweh i korik, reh wo' chi neenkowjik taq ak'ux, eh ma' xta taq neetiq'ehb'ik wii'.

Xa re' la', cha a'n wo' taq i ruq'or i ruk'uhb'aal i Dios. Mo'-oq xa hat taq aj ib'iroom, ruum wi xa xik'ik taq rij axikin, xak'ahchi' taq ajot'om awiib' cha wib'il awiib'.

Atoob' reh awach i rukuy ransil ruuk' q'unil i pajarik, ruum noq ik'inaq chik chupaam i pajarik, naaruk'ulum i rukoróna, re' i juneliik k'acharik, i ruq'orom cho rib'iral i Dios chi naa ruye'em keh i kik'axwik reh.

Re' taqe i ma' xta reet, i manlik wach i qakooch inqak'ul, pan taxaaj inchalik, re' i Dios inye'wik qeh. Re' wo' reh xyej-anik reh chu'nchel i saqum wilik cho pan taxaaj. Re' Dios ma' rujal ta wach i rukapeew, eh ma' xta ruq'equmaal wach.

Awach i xa rib'iraj i k'uhb'aal eh ma' rub'an taj i ruq'or, re' re' xa je' rukab' jino'q i rilow i wach pan lemow. Re' reh xa kore' wo' naq i rilow riib' pan lemow, eh noq inooj, jumehq'iil insahchik paruk'ux nik' wach inka'yik.

Re' i xti korik laj nimanik i ma' xta ruch'uwa'iil wach chuwach i Ajaab'ees Dios re' wili: Kitoob'jiik i wilkeeb' panti' k'axik, chi je' ma' xta kituut kajaaw, chi je' ixoq kamnaq kib'ahiil, eh re' chi ma' nee ta inch'uwa'resjik iib' ruuk' i yiib' wach na'ojb'al imb'aan wach ak'al.

Awach inchalik i pajarik chinaah maa ruq'or chi re' Dios impajwik reh, ruum re' Dios ma' nee ta npajarik ruum i yiib' wach na'ojb'al, eh ma' awach ta wo' hoq neerupaj i reh. Re' la' rotoowjiik, eh re' ruk'axariik wach rub'aan i yiib' wach na'ojb'al i minwik reh pam pajarik i ju'jun.

Eh re' i hermano xama' nim ta tii wach i rub'an riib', chuch'ikaa' ruk'ux ruuk' i runimaal wach inye'arik reh ruum i Dios.