Popular Bible Verses from Heb 12

Share

Ruum aj re', re' hoj sutimaj qiij kuum i taqe i ruk'ihaal i xik'uhtanik chaloq nik' wach i ye'ej k'uxliis chi nimanik. Ruum aj re' inchol qakanaam rub'aan chu'nchel i mahk injot'wik qeh. Qachop la' qak'ux chi ojik chi qawach ruuk' q'unil je' rukab' i rub'an i aj pajal ajiim. Qayeew taq johtoq inaq'qawach ruuk' i Jesucristo re' inye'wik reh i qanimaniik, eh i rumanaa' wach. Eh ma' xta xraaj reh i ti' i k'ixb'ilaal laj kimik xuk'ul wach kuruus, ruum reht'al i reh, chi naa ruwihiik jinaj runimaal rusuqkiil ruk'ux. Eh xooj tzuhnoq parusak'aaj q'ab' i Dios paruye'aab' ar pan taxaaj.

Xti korik noq inqak'ul i qatijiik ma' suq ta rub'an qeh ti' inqik'raaj. Raaj wila' xqareq chi riij chihreet i qatijiik inqak'ul re' re', inqareq i suq laj k'uxliis koq'uun chi jilow qakooch xti ruk'ul chi qeh.

Chachop taq ak'ux chi wihik pansuqkiil k'uxliis chu'nchel aj uuk'. Eh ti k'acharoq taq pan santohiil, ruum awach i ma' chih santohiil ruuk', ma' jaruuj ta naa rilom wach i QaJaaw Dios.

Je' re' noq re' taq i hat, cha kapaaj taq riij, i xk'ulik ruk'uhtaaj i Jesucristo. Re' reh xukuy i ti' k'axik i ruwech'jiik xb'aan kuum taqe aj mahk, je' wo' chik re' taq i cha a'n i hat chak'uy taq ransil. Matq'uhtik taq, maayoj taq ak'ux chi nimanik

Re' runimaal rajaawriik i Dios i ruyeew qeh ma' nee ta rub'an chi nee nelik paruye'aab'. Eh qat'iosej taq ree Dios i naa rub'anam quuk' wili. Eh qaloq'ej taq i Dios chu'nchel qak'ux. Eh qohloch'ik-oq chuwach i Dios chi loq'oomb'al reh je' rukab' imponik chuwach i reh

Je' re' noq re' taq i hat hermano, cha kuy taq ruk'ulariik i ti' k'axik. Eh ruuk' i re' nee taq tirukoj chi hat taq manlik rak'uun rixq'uun i Dios. Chakoj taq rehtaal chi ma' jino'q ak'uunb'ees ixq'uunb'ees ma' neentijik ruum i rutuut rajaaw.

ruum re' i qaDios reh je' rukab' i xaq q'aaq' chu'nchel i ruchaajrisaj.

Re' taqe qatuut qajaaw ayu' wach ak'al qoh kitijej chupaam i qak'achariik i xa ajlamaj haab', re' q'oreel nik' wach i ruk'ul chi qeh. Raaj i Dios reh qoh rutijej reh jinaj k'axb'al qeh chi korik, reh chi qoh eh haa' i rusantohiil i reh.

ruum re' taq i hat komajaa' ta awach taq aweh i xuk'ul i ti'laj kimik chuko'ljiik taq awiib' chuwach i mahk.