Popular Bible Verses from Marcos 9

Share

Xi tma'n Jesús te: —¿Tiku'n in tzaj tma'na weye icju: Ka jacu bant tu'na, chiya? Alcye at tocslabl, tcyakil jacu binchanjtz te.

Jurattzun tzaj k'ajt tman c'wa'l ex tma: —Cxel wocsla'ne Tat, chin tonintza tu'n tten mastl wocslable.

Tejtzun tocx Jesús tuj ja, xi cykanin ke t-xnak'tzben te cyjunalx: —¿Tiku'ntzun minti' xbant ku'ne tu'n tetz klajo'ne ju'ẍ? Che chi. Xitzun tma'n Jesús cye: —Akeju jun c'loj ju'ẍ lu mlay che etz nok cucx, nok o'cx jacu che etz tu'n na'j Dios ex ka ma cub kyo'n we'yaj, chi Jesús cye.

Ba'n te atz'an; pero ka ma naj ta'w atz'an, ¿alcye cajbel tu'n toctl ta'w? Che ocxe ic tza'n atz'an; tenwt cymojbabl cyibe cyxolxe.

—Alcye ma c'monte jun tal c'wa'l ic tza'n jlu tu'nju at tc'ujlalil wi'je, akine in chin tc'mo'n; ex alcye ma c'monte weye, mya o'cx akine in chin tc'mo'n, ax icx in c'monjtz Dios tu'n, aju tzaj samante weye.

Ex alcye jun xjal ma tzaj k'onte jun vas a' cyeye tu'nju ocslal keye wi'je, akine Crist, ax toc cxel nma'ne cyeye, ctzajel k'o'n jun oyaj te ti'j jlu.

Ka at jun xjal ma cub tz'ak jun tal ch'in tu'n tuj il, aju cyxol keju ocslal wi'je, mas ba'n tu'n toc c'alet jun ma tij cya' ti'j tkul xjal ex tu'n tcu'x xo't tuj mar.

Ex ka tu'n tbak' twitza cbel tz'aka tuj il, k'i'metza; porque mas ba'n tu'n tocxa tuj tcawbil Dios tuj cya'j junx tbak' twitza, ex mya tu'n t-xi xo'na tuj infierni tuc'il cabe tbak' twitza.