Popular Bible Verses from Marcos 10

Share

Porque minti' ma chin ule tu'n cyoc mastl te nmajene tu'n cyajben weye, nok o'cx ma chin ule tu'n wajbene cye mastl ex tu'n t-xi nk'on wibe tu'n ncyime tu'n cycolpet nimcu xjal, akine sc'o'maj kine tu'n Dios tu'n ntene cyuc'il xjal, chi Jesús cye.

Xitzun tque'yin Jesús cywitz ex xi tma'n cye: —A jlu mlay bant cyu'n xjal, atzunte Dios jacu bant tu'n; porque tcyakil in bant tu'n Dios.

Xitzun tma'n Jesús te: —Ba'n tu'n taja; tu'n tocslabla ma banixa, chi Jesús te. Te jurat naj jaket twitz moẍ, ex oc lpe' ti'j Jesús tuj be.

Tu'ntzunju, aju ma tz'oc tmojba'n Dios, mi'n tz'el tpa'n xjal, chi Jesús cye.

Xitzun tque'yin Jesús twitz ex o tc'ujla, ex xi tma'n te: —Atx jun tu'n tbant tu'na: Txi'ya, c'ayinxa tcyakilju at teya, ex k'onxa cye meba, cteltzun tk'inumabla tuj cya'j; tzajtzuna wuc'ile [k'im tcrusa] ex lpe'ca wi'je, chi Jesús te.

Xitzun tkanin Jesús te: —¿Alcye tajbila tu'n nbinchanteye teya? Atzunte moẍ xi tma'n: —Xnak'tzal, wajbile tu'n tjaket nwitze.

Pero myatzun ic tten cyeye cyxole: alcye tajbil tu'n tten mas toclen cyxole, atzunju tu'n toc te ajbel cyeye

Ax toc cxel nma'ne cyeye, ka minti' ma che oque ic tza'n jun tal c'wa'l tu'n t-xi cynimane tcawbil Dios, mlay che ocxe tuj tcawbil Dios, chi Jesús cye.

Pero keju ate' te tnejel ja'lo, nimcu che oquel te mancbil; ex keju ate' te mancbil ja'lo, nimcu che oquel te tnejel.

Pero atxix t-xe tnejel tej tbant tcyakil tu'n Dios, cub tbincha'n Dios xinak tuc'ix xu'j. Cyja'tzun cyjel tk'o'n xinak tman tuc'ix ttxu' tu'n tmoje' tuc'il t-xu'jil. Cycabiltzun che oquel te junx; cyja'tzun mya cabe cytentl, nok junx cyten.