Popular Bible Verses from PIANCILNA 12

Share

Minam lian in kong bawl dinga, thupha hong pia-in, na min liansak ding ka hih manin midangteʼ adingin thupha na hi ding hi. Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

TOPA in Abram kiangah, “Na gam, na beh le na paʼ inn panin nang kong lah ding gamah pai in.

Tua ciangin TOPAʼ gen sa bangin Abram pai a, Lot in zong a zui hi. Haran panin a pai khiatin Abram kum sawm sagih le nga a pha hi.

Tua ciangin Abramʼ tungah TOPA kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang TOPA adingin biakna tau khat a bawl hi.