Popular Bible Verses from PIANCILNA 11

Share

TOPA in, “En un, amaute minam khat hi uh a, amaute khempeuh in kampau khat nei uh hi. Hih pen amauʼ sep ding a kipatna bek ahi hi. Tu-in sep dinga amauʼ vaihawmte amau adingin hi thei nawn lo ding hi. Hong pai un, amau thugen khatlekhat a kitheih loh nadingun eite pai sukin amauʼ kampau va kitukalhsak ni,” a ci hi.

Tua ciangin amaute in, “Hong pai un, leitung buppi ah eite i kithehthang gawp loh nadingin ei adingin khuapi khat bawlin, a dawn in vantung a ban ding tausang khat lamin, eiteʼ minthan nading khat bawl ni,” ci uh hi.

Tua ahih ciangin a min Babel kici hi. Bang hang hiam cih leh TOPA in tua munah leitung khempeuhʼ kampau kitukalhsak hi. Tua lai mun panin TOPA in leitung khempeuh ah amaute a thehthang hi.

Tua laitakin leitung buppi in kampau khat le kammal tawmno bek nei hi.

Tua ciangin mihingteʼ lam sa khuapi le tausangpi a en dingin TOPA hong pai suk hi.

Tua ahih ciangin TOPA in tua lai panin leitung khempeuh ah amaute thehthang a, a khuapi bawl uh a tawp uh hi.